PUNTS
la gasetta giuvna

Detagls davart l'ediziun nr. 97

zercladur 2002
annada 9
... dal mais
PUNTS nr. 97
Caporedacziun: Conradin Klaiss
Fadrina Hofmann
Rafael Müller
Layout: Theres Jörger
editorial

Superlativ! (Rafael Müller)

Hi, lecturas e lecturs da PUNTS. Il puntissimo da quest mais è "… dal mais". Uschia leva jau scriver in editorial dad ina topira gailira chaussa: l’elecziun da la Miss Surselva. Però igl è vegni tut auter: Mors dal diavel schubregiader am han sfurzà mes conabitants da’ls gidar cun nettegiar nossa WG. Jau leva scriver sur da la Miss Surselva, ma els am han smanatschà cun mia mort. – Okay, sche faschain questa smaladetta nettegiada dal mais. – Christian ha schubregià il bogn, Elena ha sgrattà rests en cuschina ed jau ma sun turmentà cun il tschitschapulvra. Ma tadlai tut l’istorgia:

Jau cumenz cun mia chombra. Wwwwwwww, ed uss’anc sut il letg. Ma il rol sa penda en. Jau al stir nauadora e mia memoria daventa activa. Ecco, il motiv per il mal il chau suenter tschella festa: ina buttiglia Four Roses mez vida. E là in tanga cotschen. Aha. Perquai ha mia amia ditg insatge da cumprova, cura ch’ella m’ha bandunà. Ma enavant tar la combra da Christian. Wwwwwww, ed uss’anc sut il letg. Il rol sa penda en. Jau stir e tge vegn nauadora? Jennifer Ann Gerber! La Miss Svizra cun bucca stuppada, bratscha e chommas liadas e – blutta! Jau la deliberesch e vegn a schubregiar la chombra dad Elena. Wwwwwwww, ed uss’anc sut il letg. – Chatta forsa Ricky Martin u perfin Robbie Williams? – Na, il rol sa penda en ed jau stir nauadora la Miss Surselva. Era ella è liada e blutta! E tar mai fa i clic. Ussa sa jau danunder che l’Elena ha il latg frestg ch’ella baiva mintga damaun.

Uschia e betg auter esi capità. Tge chaussas! Ed a propos la Miss Surselva. Ella ha num Tina e per quels che na san betg: la Miss Surselva è ina vatga!

Chars salids e bun divertiment cun las PUNTS 97.

texts en questa ediziun

PUNTS (Links, Expo e tartaruga dal mais)David Truttmann (Sut tschiel avert)Jonas Meyer (Shake it and do it)Barbla Etter (L’expo-siziun)Dario Klaiss (Malsauns)Conradin Klaiss (Tartarugapop)Pia Valär (Il muond m’es memma stresso)David Truttmann ("Insatge dal pli gail”)Anna Serarda Campell (Depressiun)Rafael Müller (Igl fallus da Mon)Hildegard versus Clotilda (Manieras da meisa)Martin Blumenthal (The schools and people in Czech Republic)Rafael Camenisch (Il tetel)David Truttmann (Happy cun spaghetti)Fadrina Hofmann (Onkel Oswald und der Sudankäfer)Jachen Prevost (Wilco - "Yankee Hotel Foxtrot”)

Datotecas
  • 97.pdf (217.63 KiB)
turnar a la survista