PUNTS
la gasetta giuvna

Detagls davart l'ediziun nr. 93

favrer 2002
annada 8
Naiv
PUNTS nr. 93
Caporedacziun: Conradin Klaiss
Fadrina Hofmann
Rafael Müller
Layout: Lydia Wilhelm
Theres Jörger
editorial

Jau sun in um da naiv (Rafael Müller)

Jau sun in um da naiv e viv cun mes geniturs e cun mia sora en il iert dals Derungs. Ils dus uffants dals Derungs èn noss stgaffiders. Mia famiglia è ina allegra maschaida. Mes bab porta ina veglia chapitscha da la SKA. Ina da quellas en cotschen-blau-alv. Mia mamma porta ina schlingia da Rivella cun si las suttascripziuns dals skiunzs da la squadra naziunala, e quai da quels onns, cura ch’els gudagnavan. Mia sora è d’apparentscha stgira – ella han ils uffants fatga sco davosa. Cun la pauca naiv da quest onn han els er rudlà en in pau terra dal iert. Nus tuts avain simpatics tartuffels sco egls e gnoccas carottas sco nas. Cun excepziun da mes bab: il figl dals Derungs, quel stroli pubertar, ha fitgà en la carotta a mes bab sin l’autezza d’in mez metter. Ma mes bab è in meter e mez grond. Mintga giada che dunna Derungs passa sper il iert, entschaiva a crescher la carotta. Quant penibel per mes bab. E pir per mia mumma: mintga giada lua ella in pau dapli da la schigliusia. A propos luar: nossa vita na dura betg ditg. Sche i va bain ina stagiun. Dad aua essan nus fatgs, tar aua daventainsa. Sco er vus carstgauns. Mo che vus vegnis da la pulvra e daventais pulvra. Questa è la inevitabla lescha da la scadenza. Ella vala tant per vus e nus sco er per quest’ediziun da PUNTS. Cun il sulegl da la primavera perdain nus nossa consistenza. E la PUNTS 93 sia actualitad. Perquai, char/a lectur/a, legia ella bainbaud. Il meglier dalunga.

Bun divertiment e chars salids
Rafael Müller

texts en questa ediziun

PUNTS (Infos interns)Alexander Casanova (Cu la neiv declara l’uiara...)Gion Capeder (Tge neiv?)Rafael Müller (Intervista cun en manaschunz da maschina da pista)Fadrina Hofmann ("No vivain illas muntognas e cul ris-ch da lavinas stuvaina oramai viver, i nu’s resta oter...”)Fadrina Hofmann ("Infuormaziun sperta füss alch fich giavüschà”)Barbla Etter ("Ella vain alura schond auncha”)Clotilda (Allesiszuteuer)David Truttmann (L’utschè senza alas)David Spinnler (Il disc dal mais: Sektion Kuchikäschtli - "Dorfgschichta”)Men Caduff (Ave Maria e Babnoss en tschiel)Simon Casutt (Davart romantica, neiv artificiala e bars)David Truttmann (Rumantschas e Rumantschs baivan Rivella!)Conradin Klaiss ("Sche Jesus entrass oz en nies miez, forsa festivass el la messa cun in pier...”)Jonas Meyer (Links dal mais: Il Euro e las malsognas)Martin Cantieni (Giuvens Romontschs a Trst)

Datotecas
  • 93.pdf (754.94 KiB)
turnar a la survista