PUNTS
la gasetta giuvna

Detagls davart l'ediziun nr. 92

schaner 2002
annada 8
Ramurs e canera
PUNTS nr. 92
Caporedacziun: Conradin Klaiss
Fadrina Hofmann
Rafael Müller
Layout: André Meier
Franziska Kolb
Theres Jörger
editorial

Da zzziiiiii enfin seufz (Fadrina Hofmann)

Tgi na l’enconuscha betg, la canerina dal tarader tar il dentist? Sch’ins auda be quest malign zzziiiiii, vai gia fraid giu per il dies. Passar speravi ad in plazzal da bajegiar n’è er betg gist in giudiment. Baggers, cranas, taraders e splattitschas fan ina canera che sa lascha supportar mo sch’ins ha gist in bun di.

Canera è ina ramur che disturba e fa mal las ureglias. In aviun che sgola sur ils chaus ora fa canera. U il svegliarin che ans stira senza remissiun or da noss siemis dultschs. Canera è per la nona musica da pop e per il biadi musica populara. Tenor Einstein pudain nus damai constatar: canera è relativa! Sche nus essan gia tar il matematicher: canera pon ins perfin mesirar, e quai en decibels! Quants decibels ha la canera dal grufliez dad in bab enturn 40 onns?

Il pled ramur fa dalunga vegnir endament "vita”. La ramur cur che la mamma prepara il ensolver, la ramur che ils uffants fan cun currer a scola, u tut las ramurs tipicas da vischnanca. In auto che passa, glieud che sa scuntra, in uffant che crida, chalzers che cloccan sin la salaschada. Las ramurs da mintgadi mussan ch’igl ha vita dapertut.

Aua, fieu, aria, terra: ils quatter elements. Il schuschurar dal flum, il schluppinar dal fieu, il buffar dal vent, il sfrantuniez tar in terratrembel. Quai èn las ramurs da la natira: finas, fermas, impressiunantas, agreablas, privlusas ...

Ramurs portan er regurdientschas e temas. Ellas anc accumpognan en la vita da mintgadi. Ma nus vivain en in temp modern digital, computersisà, collià cun apparats e maschinas: il temp da las ramurs modernas cun e senza tu: =) :) =D =P *g*, rofl, lol, btw, thx "seufz”. Chapeschas?

texts en questa ediziun

PUNTS (Infos interns)Rafael Müller (Ramours e caneras tar las vff [sbb])Pia Valär (Eau nu vaiva mê udieu il tschüvlöz dals utschels)Men Caduff (Aber è quai schon normal?) (La verdad finala dallas differenzas da Suagnign)Jonas Meyer (Links dal mais: Dal passà fin en l’avegnir)Rafael Müller (La musica e bunga)Ils Passiunai (Steilas da grep)David Spinnler (Il disc dal mais: Smash Mouth - "Smashmouth”)Quarta classa dil gimnasi Mustér (ABC darium)Annalisa Cathomas (Tric e trac ni strusch in?)

Datotecas
  • 92.pdf (687.32 KiB)
turnar a la survista