PUNTS
la gasetta giuvna

Detagls davart l'ediziun nr. 91

december 2001
annada 8
Gieus
PUNTS nr. 91
Caporedacziun: Conradin Klaiss
Fadrina Hofmann
Rafael Müller
Layout: Theres Jörger
editorial

Gieus – senza cunfins (Conradin Klaiss)

Boooiiinng! MB preschenta: Il gieu da la vita!

L’emprim passentar ina bella uffanza, ir a scola, sa decider tranter in mastergn ubain in studi e gudagnar il paun da mintgadi, insacura maridar ed avair pops, alura bajegiar ina chasa, pajar taglia e cassa da pensiun (natiralmain era cassa da malsauns), gudagnar en ina lottaria, investar en aczias, vegnir pli ritg, ubain pli pauper, vegnir vegl ed a la fin anc murir. Il gieu da la vita.

Mintga uman fa ses gieu. Quest gieu entschaiva gia baud. Mintga giada che l’uffant vul insatge da la mumma, crida e sbragia el. El crida e tugna enfin che la mamma dat ad el quai ch’el vul. Dat la mamma, ha el gudagnà, na dat la mamma betg, ha ella gudagnà.

Il regl da giugar e plantà en il spiert da mintga uman. Senza quai regl fiss la vita be ina mesa chaussa. Far da lader e polizist, da sa zuppar, da bab e mumma, da pigliar, da cowboys ed indians, siglir cun elastic, dar quartet, far da miedi (fitg interessant!), dar computer (oh, kids, perdunai, playstation 2), dar gieus da maisa sco schah, mulin, la stgala, la dama, uno, memory, tgi che va plaun va saun, e bler auter. Quel che perda, sto sientar la vaschella. Cura ch’ins vegn in pau pli vegl, remplazzan auters gieus il bittar fazielet. Il corp sa madira, ils gieus cun ils egls vegnan pli intensivs (enconuschent sco flirtar, ubain far l’amur da setg). Il rap vegn tar ina provocaziun, gudagnar en il Lotto (cun u senza joker) vegn tar ina speranza da blers. Investar è il chavazzin. Tgi che ristga dapli, sa gudagnar dapli (ubain perder tut). Era en il sport. Mintga gieu ha sias atgnas reglas, ed ils umans fan gieus senza cunfins e senza cunfins. Insatge tut auter: Dapi in temp vegni mintga saira Tom & Jerry a las novitads. Bush e Bin Laden giogan il giat e la mieur. Per tgi tegnas Ti?

"L’entira vita è in quiz, e nus essan ils candidats", chanta Happe Kerkeling. – Jau giavisch a Vus in bun gieu!

texts en questa ediziun

PUNTS (Infos interns)Rafael Müller (Igl gi digl imperatour)Fadrina Hofmann (Reality Games - adieu?)Inglina Hofmann (Il top ten da gös)Barbla Etter (Puntissimo)Rafael Müller (Agl cafe digls gis)Alexander Casanova (Disventireivel temps da Nadal)PUNTS (Chi vo plaun, fa raps e verbissimo)David Truttmann ("Nossas ureglias èn grondas", Isabella Wieland e David Spinnler)Jachen Prevost (Il disc dal mais: Lenny Kravitz - Lenny)PUNTS (Nos nov secretari Curdin Fliri)Men Caduff (Bill Clinton è a Savognin) (Resposta da la fin dal mund)Jonas Meyer (Links dal mais: Dad undas e bottas)PUNTS (Occurrenzas)

Datotecas
  • 91.pdf (254.62 KiB)
turnar a la survista