PUNTS
la gasetta giuvna

Detagls davart l'ediziun nr. 90

november 2001
annada 8
Rustg u prinzi
PUNTS nr. 90
Caporedacziun: Conradin Klaiss
Fadrina Hofmann
Rafael Müller
Layout: Theres Jörger
editorial

Rustg u prinzi (Anita Simeon)

In pau nostalgia ma ha schon surprendì, cura che jau hai sfeglià mia rimnada puntistica cumpletta. I aveva bain dà diversas emprovas davant ora e nus ans dumandavan savens schebain quel project daventa rustg u prinzi, flop ni top, u sch’el sa transfurma simplamain en ina vaschia da savun sch’ins al bitscha. E divers da nus èn bain vegnids bitschads tar prinzis u prinzessas, vul dir ch’els han chattà cutier tar in’autra gasetta, tar il radio u tar la televisiun, nua ch’ins vegn forsa pajà in zichel meglier ma nua ch’ins n’ha però francamain betg la libertad da narradira sco tar las PUNTS. Uschia sun er jau rivada tar ina gasetta d’architectura. E jau sai ussa tge che è ì fallà, sch’ils rustgs prendan tuttenina dimora en tschaler.

Dapi che set rustgs han gì l’idea geniala da fundar PUNTS tranter las vals ed ils singuls rumantschs hai dà bleras midads en il poz dad aur. Ma tschertas verdads che èn vegnidas scrittas durant quels onns èn anc adina vairas. Per exempel n’esi anc adina betg vair che la giuventetgna n’haja nagin power (nr.58), vair è però che la dinamica crescha or dal collectiv (nr.76) e che nus ans sentin mintgatant er anc oz sco exhibiziunists che s’exponan per exaltrar in product che cumpara mintga mais per in pèr exots (nr.74).

Nus avain però adina puspè chattà diversas culas d’aur, buns projects e buns contacts. Quels han er empermess ina cuntinuaziun. In prinzi rustg ha jau chattà en Rafael Müller da Mon che surprenda la caporedacziun per Surmir. A tai Raffael giavisch jau bler spass en tes nov post ed a tut ils auters rustgs, prinzis e prinzessas ina buna lectura da las PUNTS nr.90.

Quac, quac!

texts en questa ediziun

PUNTS (Infos interns)Anna Maria Bott (A d’eira üna vouta...)Pia Valär (U forsa glistess prinzi?)Barbla Etter (Patrick) (Kurt Cobain, rustg ni prenci?)Fadrina Hofmann (Ün retuorn fulminant)Selina Puorger (Inscunter cun Ogi)David Casutt (El tren)Quarta classa dil gimnasi da Mustér (ABCDarium)PUNTS (Giachen Maissen)David Spinnler (Il disc dal mais: Stern + Frei)Men Caduff (La sfuira eterna) (Apocalipsa)Simon Casutt (Miu davos viadi...)Jonas Meyer (Links dal mais: Moviment e memoria)Rafael Müller (Vive la révolution, vive la liberté!)PUNTS (Occurenzas)

Datotecas
  • 90.pdf (897.50 KiB)
turnar a la survista