PUNTS
la gasetta giuvna

Detagls davart l'ediziun nr. 89

october 2001
annada 8
Vistas
PUNTS nr. 89
Caporedacziun: Anita Simeon
Conradin Klaiss
Fadrina Hofmann
Layout: Theres Jörger
Susanne Staus (fotografias)
editorial

In pilot intrastellar rapporta da la terra (Rafael Müller)

Cura ch’il pilot marzian Kraputnyk Armadillynk è turnà da sia excursiun intrastellara è el vegnì intervistà da la pli gronda gasetta marziana, da "La Kuottitianna". Kraputnyk ha raquintà dad in planet blau abità da creaturas che sa numnan carstgauns: "Els vivan en colonias. Da quellas datti pli grondas e pli pitschnas. En las grondas vivan els ensemen cun creaturas da fier che fan vrrrrrmmmm e tüüüüt. En las pitschnas colonias vivan els ensemen cun creaturas brinas cun duas cornas. Or da quellas pumpan ils carstgauns mintgatant in liquid alv che serva ad els sco bavrond."

Sche in pilot intrastellar da la Venus descrivess la terra, tunass quai auter. Alura na fissan autos e vatgas betg pli creaturas, mabain maschinas. – Contemplond la charezza da tscherts giuvens per lur Golfs GTI e da l’autra vart la mecanisaziun dal puresser, han tuts dus raschun: Kraputnyk e ses collega da la Venus vesan la terra simplamain da differents puncts da vista. E tants puncts sco ch’i dat en l’univers, tantas vistas datti. Uschia n’è ina vatga betg pli in object sco tal, mabain ina summa da diversas vistas, da differentas opiniuns persunalas.

En quest senn è ella fatga – l’actuala ediziun da PUNTS: (inter)vistas che fan conuscher experientschas, ideas ed opiniuns stravagantas, surprendentas, difficilas da chapir e bain resentiblas. Ma las "vistas" èn adina in pau autras da las atgnas.

Bun divertiment cun il numer 89 da PUNTS.

texts en questa ediziun

PUNTS (Infos interns)Anita Simeon ("In spinner? - Quai è in cumpliment per mai", Mirko Baselgia)Conradin Klaiss ("A partys vom jau il pli gugent, sche jau hai da sunar!", Andi Schnoz)David Truttmann ("Jau hai propi gust da star sin tribuna", Elmar Deflorin)Rafael Müller ("Ia lev vaseir ensatge oter", Rina Novi)PUNTS ("GTI", Giachen Maissen)Chatrina Josty ("Jeu getg tuttina schaisse", Patrick Capaul)Conradin Klaiss e David Truttmann ("Nus na pudain betg s’unfrir sco Winkelried", Martin Cabalzar)Fadrina Hofmann (Ün "hailight", Ursus e Nadeschkin)Eva Riedi (Columna dal mais: Sin seveser ellas proximas vacanzas)Jachen Prevost (Disc dal mais: Train - Drops Of Jupiter)Jonas Meyer (Links dal mais: Da Babylon e requiems)PUNTS (Occurrenzas)PUNTS (Adieu Géraldine!)

Datotecas
  • 89.pdf (681.88 KiB)
turnar a la survista