PUNTS
la gasetta giuvna

Detagls davart l'ediziun nr. 88

settember 2001
annada 8
Isolaziun
PUNTS nr. 88
Caporedacziun: Anita Simeon
Conradin Klaiss
Fadrina Hofmann
Layout: Theres Jörger
Lydia Wilhelm
editorial

Lü e ses vischin d’onur (David Truttmann)

Ussa èsi puspè pli quiet en la vischnanca da Lü en Val Müstair. Ils 1. avust da quest onn era quai però tut auter. La vischnanca era perfin menziunada quel di en il teletext. Betg forsa pervi da sia situaziun geografica extraordinaria – na. Lü ha surdà quel di ad in politicher tuttafatg ordinari il vaschinadi d’onur. Ad in politicher tuttafatg normal? Na, igl era Christoph Blocher.

Il di da la festa naziunala ha tut applaud?i in si per tschel. Lü si per ses nov vischin d’onur che ha refer?i davart neutralitad ed independenza. Blocher ha applaudì si per la vischnanca ch’el ha en giaglioffa dapi blers onns – almain politicamain. (Che Silvia Blocher è er vegnida onurada quel di cun il vischinadi, quai saja menziunà qua mo per amur da la "political correctnes".) Gea, tuts dus, Lü e Blocher han fatg quel di ina pitschna festa da famiglia, be tranter dad els e cun tut la folclora che tutga latiers. Lü e ses, e be ses Blocher.

Per mai ha schon mo il maletg da quests dus insatge fitg comic. Dad ina vart Lü: ina da las pli pitschnas vischnancas da la Svizra, ina vischnanca prest puramain rumantscha situada sin passa 1'900 meters sur mar, ina vischnanca cun vista vers ils pizs da l’Italia, damai sfurzadamain vers l’Europa. Da l’autra vart Christoph Blocher: in dals pli bainstants umens da la Svizra, schef d’in multi svizzer, schef da la auns e president inuffizial dal pps Svizzer, in affarist internaziunal, in politicher che sbassa l’egliada sch’el mo auda il pled "Europa". Lü e Blocher: quai è in brav cuntrast, sco ina sella sin in portg. In pitschen punct collia dentant quests dus: lur cumbat encunter mintga avertura ed avischinaziun vers l’Europa ed il rest dal mund. Tuts dus vulan mantegnair l’isolaziun politica da la Svizra.

L’isolaziun en general, quella po inspirar, dar forza, dar curaschi, dar calma. Ella po dentant er avair precis l’effect cuntrari. Tge èn lura ils effects da l’isolaziun politica da la Svizra – positivs u negativs? Tge effectuescha la politica da Blocher e ses cumpagnuns a lunga vista? Jau da mia vart fatsch speranza che la vista vers ils pizs da l’Italia – surtut vers l’Ortler – haja inspirà Blocher. Sche Blocher schess numnadamain "gea" a la proxima avertura politica da la Svizra, lura fiss quai ina sensaziun ed in merit da Lü. E tut che discurriss puspè da la vischnanca en Val Müstair. Ma entant esi puspè vegnì pli quiet si Lü.

Bun divertiment cun PUNTS numer 88, cun il tema "isolaziun"!

texts en questa ediziun

PUNTS (Infos interns)Anita Simeon (Sulet a chasa)Fadrina Hofmann (Isolaziun in Frantscha)Anita Simeon (Vita en la rait)Chatrina Josty (In buocha d’luf)PUNTS ("Ir a chatscha ê libertad")Chatrina Josty (Viver e far vibrar - alive and rocking)Men Caduff (Clonar Fidel Castro)PUNTS (Intervista cun Jean Ziegler)Ivar Trippolini ("En nossa confederaziun plain pulvra na datti nagin cumbat d’ideas")PUNTS (Jack is back in town)Sidonia Klainguti (Columna dal mais: Rumania - a l’ur da l’Europa)Rafael Camenisch (Elefants alvs)Simon Casutt (Eis ei buca pusseivel senza)Anna Serarda Campell (L’on chi vain be amo cun plümatsch)David Spinnler (Il disc dal mais: Sina - Marzipan) (Fiasta da tenda)Jonas Meyer (Links dal mais: Da food e cumbats)PUNTS (Occurrenza)

turnar a la survista