PUNTS
la gasetta giuvna

Detagls davart l'ediziun nr. 87

avust 2001
annada 8
Festival da film rumantsch
PUNTS nr. 87
Caporedacziun: Anita Simeon
Conradin Klaiss
Fadrina Hofmann
Layout: Theres Jörger
Erhard Sigrist
editorial

Entusiassem e siemis (Conradin Klaiss)

Strusch che l’Open air Val Lumnezia è finì, entschaiva in auter grond eveniment en la Lumnezia, però quella giada da l’autra vart da la val. Il 2. Festival da film rumantsch na vegn betg ad esser uschè gigantic sco l’open air che ha monstrus amain blera glieud per ina val uschè pitschna. Ma jau crai ch’el è silmain tant impurtant per la cultura rumantscha, sche betg pli impurtant. In festival da film porscha la pussaibladad a giuvenils ed a scolars da sa preschentar e da preschentar in product, el promova ina scuntrada tranter glieud che s’engascha e glieud che ha interess per quei che vegn fatg.

L’emprim festival da film a Surrein avant prest dus onns ha mussà ch’i na sa tracta betg dad in da quels eveniments, nua ch’ins porscha simplamain alcohol e musica che las ureglias tgulan anc il di suenter, e ch’i nun è in da quels eveniments ch’ins sa senta sco in tat sch’ins prenda anc part cun 25 onns. El ha mussà bler dapli: entusiassem, motivaziun, engaschi, potenzial, buna veglia, respect, chapientscha, siemis...

L’uniun da giuventetgna da Suraua e la Giuventetgna Rumantscha (GiuRu) pussibiliteschan quest onn ina ulteriura plattafurma per ina scuntrada interrumantscha da quel gener.

Jau ma legrel da vesair tut quai ils 24 e 25 d’avust 2001 a Suraua.

Bun divertiment cun quest numer da PUNTS e bun divertiment al 2. Festival da film rumantsch!

texts en questa ediziun

PUNTS (Infos interns)Gian Andrea Reinalter (Chasper Stupan ho dirigieu 17 ans il radio e la televisiun rumantscha)Rafael Müller (Lipertad u patos?)Simon Casutt (La viseta destructiva)Conradin Klaiss (Intervista cun Bernadetta Arpagaus, commembra e plidadra da pressa)Men Caduff (Rumanschia 2028)Anita Simeon (O Shrek)Anita Simeon (KINO)Linus Livers (Festival dal film rumantsch)Armin Duff (Pled final)Fadrina Hofmann (Il duel)Jonas Meyer (Links dal mais: Cunter frust e suldina)Damian Camathias (Igl um da savetschas)Pascal Casanova (La catscha suenter in Big Moskito)Anita Simeon (Impressiuns d’ina giurora)Rafael Camenisch (Sin ina rundella)David Spinnler (Il disc da stad: Neffa - Arrivi E Partenze)

turnar a la survista