PUNTS
la gasetta giuvna

Detagls davart l'ediziun nr. 86

fanadur 2001
annada 8
Chaud
PUNTS nr. 86
Caporedacziun: Anita Simeon
Conradin Klaiss
Fadrina Hofmann
editorial

Si cun las ureglias! (dal team da PUNTS)

Quest mais tramettain nus a Tai ina gasetta senza cuntegn. Vul dir, il cuntegn da quest mais è …in radio! – Hä? Ok, nus Ta declerain pertge: Quest ultim mais n’avain nus scrit nagina gasetta – perquai che nus faschain radio! La redacziun da PUNTS va „on air", e quai ensemen cun la redacziun dal Battaporta dal Radio Rumantsch. Nus faschain ina emissiun da Battaporta enstagl dad ina gasetta. Noss puntissimo: CHAUD.

Ti Ta dmondas segir pertge che nus faschain ina emissiun da radio e betg sco mintga mais ina gasetta. Nus na pudain betg finanziar durant l’entir onn 12 numers da nossa gasetta, mabain mo 10 numers. Il quint è logic: sche nus faschain radio empè da gasetta, lura spargnain nus custs da stampa. Al Radio Rumantsch – e surtut a la redacziun dal Battaporta – engraziain nus fitg per il sustegn e per la collavuraziun. Damai – si cun las ureglias e taidla nossa emissiun dals 12 da fanadur 2001.

En avust cumpara lura in extrem grond numer da PUNTS (30-40 paginas). En quel preschentain nus – ensemen cun la GiuRu – il Festival da film rumantsch che ha lieu ils 24-25 d’avust 2001 ad Uors (Lumnezia). Il puntissimo da quel numer d’avust è sa chapescha „film".

 

12 da fanadur 2001, 18.30-21.00 Battaporta Radio Rumantsch.

texts en questa ediziun

()

turnar a la survista