PUNTS
la gasetta giuvna

Detagls davart l'ediziun nr. 85

zercladur 2001
annada 8
Plus/minus
PUNTS nr. 85
Caporedacziun: Anita Simeon
Conradin Klaiss
Fadrina Hofmann
Layout: Theres Jörger
Lydia Wilhelm
editorial

Da quints, misteris ed amur (Fadrina Hofmann)

"Tina e Chaper han qutter mails davant els. Sche Tina prenda davent trais, e Chasper la regala anc in, tge ha Chasper lura anc? Fadrina?" "Pli probabel fom?" Addiziun e subtracziun, quai n’eran mai mias fermezzas, e suenter la segunda classa na chattava mes magister pli in surrir per las respostas che jau inventava per na stuair far quints.

Plus/minus, quai è il tema da quest numer. L’emprim impissament che ma è vegnì tar quests pleds, era in maun da Dieu il far quints. Per ils ins è quai in simpel gieu cun cifras, per ils auters da congualar cun ina malsogna contagiusa. Jau tutg tar la segunda sort da quintists.

Cun cifras, segns e furmas geometricas na sai jau cumenzar bler. Gia tar il plus ed il minus en l’emprima classa avess avess jau smaladì ad Adam Riese, sche jau avess savì che quel è responsabel per quests dus segns che ma faschevan grev la vita. Latiers n’è il plus nagut auter che ina crusch, ed il minus n’è betg dapli che in stritg!

Mabain, per fortuna datti er anc en il mund dals pleds ina significaziun per plus e minus. Pertge ha vairamain il plus survgnì il privilegi da represchantar il positiv, e betg il minus? Ha quai forsa da far insatge cun la crusch, che è il simbol da la Svizra? Mo na, jau crai che ils Austriacs na fissan betg uschia d’accords cun ina decleraziun sumeglianta. Jau stoss pruvar da schliar il misteri sin in’autra via. Avair in minus vul dir avair insatge damain, e quai è en noss mund chapitalistic en mintga cas insatge negativ. Congualain be ina giada la panica tar ils "börsianers", sche il martgà asiatic finescha la saira cun 0,0001 puncts minus. Sche i stat però empè da quel minus in plus, lura guarda quai ora puspè tut auter, surtut tar ils squagls... .

Da tschella vart n’è in stritg er betg gist in segn che fa onur ad ina chaussa positiva!

U guardess quai forsa ora bain, sch’in giuvnot inamurà tagliass en il trunch d’ina planta "Jan – Sara"? Na, en quest cas è in plus propi necessari!

Jau bad gist che nus essan tuttina arrivats puspè tar la matematica: Jan + Sara dan in pèrin, ed in pèrin – quai sa mintgin – èn dus. Ma di, che l’amur e la matematica van maun en maun, quai na vess jau betg cret. I s’avran tut novas perspectivas! Però quai è lura puspè in auter tema... .

Ps: Sch Ti has in’idea pertge che il plus signifitga ussa propi il positiv, e betg il negativ, t’annunzia tar: Fadrina Hofmann, Bagnera 173, 7550 Scuol. Jau Ta fiss fitg engraziaivla.

texts en questa ediziun

PUNTS (Infos interns)Ursin Lutz (Tgau engiu, tgau ensi) (Dapli ni da meins con bia po ei vertir?)Chatrina Josty (Intervista cun Sar Jon Florin, magister da matematica a la scoula chantunela Cuira)Rafael Müller (Igls plus e minus dallas illusiuns)Barbla Etter (Il Piz San Murezzan)Chatrina Josty (Plus e Minus ed il invöl misterius)Lucas Simeon (Adios, amigos)Rafael Camenisch ("Ans laschain surprender da Vestas la musica")David Truttman (Intervista cun Erwin Huonder, da l’organisaziun da "Viver e far vibrar")Jachen Prevost (Disc dal mais: Semisonic all about chemistrv)Men Caduff (Ogi e Kofi)Gian Sgier (Fracass)Marc Friberg (Columna dal mais: La pitgna melna)Susana Santos (Plövgia ad ün di da stà)Marcel Caduff (Tgei bellezia gi...)Dario Tschuor (Malsogna - mort)Jonas Meyer (Links dal mais: Dad abitaziun e televisiun)Gian Sgier (Tut en ina)PUNTS (PUNTS - on air)David Truttman (Sut tschiel avert)Anita Simeon (Tops e flops)Anita Simeon (Il cactus e la rosa da las PUNTS)

turnar a la survista