PUNTS
la gasetta giuvna

Detagls davart l'ediziun nr. 83

avrigl 2001
annada 7
Cotschen
PUNTS nr. 83
Caporedacziun: Anita Simeon
Conradin Klaiss
Fadrina Hofmann
Layout: Theres Jörger
Lydia Wilhelm
editorial

Noss passaport (David Truttmann)

Fa svelt! Studegia be per Tai ina colur! Ma svelt! Has ina colur, xina colur? – Basta, scumettain che Ti has tschernì la colur cotschna!

Svizzers e Svizras han perfin in passaport cotschen – in unicum sin quest mund. Sche Ti es ina giada a l’exteriur ed has da mussar il passaport, lura vesa mintgin gia da dalunsch: Ti es e restas in Svizzer u ina Svizra.

Sche Ti stas per exempel a l’eroport a Londra en ina colonna da turists, e davant Tai spetga ina dunna cun in passaport cotschen en maun, lura esi cler be dalunga:"Ah, Ti es er ina Svizra?" Da pudair cumenzar uschè in discurs, quai po esser in grond avantatg. Il pli gugent discurrin nus gea cun da quels da nossa pasta.

Il dischavantatg dad in tal passaport cotschen: il Talian, l’Ollandaisa, la Tudestga, il Franzos, il Portugais, la Spagnola e tut ils auters Europeans pon surpassar a nus "cotschens" tar la controlla a la duana a Londra. Perfin in Austriac po Ta surpassar! En ina tala situaziun Ta sentas lura sco Michael von Grünigen che perda passa trais secundas sin Hermann Meier, u sco Didier Plaschy che croda ora suenter trais bandieras. In classic "Innen-ski-fehler" u "Innenschweiz-fehler" – quai fa mal!

E tuttina – tscherts Europeans, surtut ils „secondos" ed ils „terzos" da l’Italia, da la Spagna e da la Tirchia, vessan er gugent in tal passaport cotschen. Però attenziun: da survegnir in toc chartun cotschen n’è gnanc uschè simpel. Ins sto schon savair giugar fitg bain ballapè. Ciriaco Sforza, Ramon Vega, Kubilay Türkyilmaz ed ils frars Yakin laschan salidar.

Ina giada dapli è ina colur noss tema dal mais. Gia en fanadur 1999 ed en matg 2000 avevan nus edì ina gasetta "blaua" ed ina gasetta "verda". Damai che nus servin mintg’onn ina PUNTS da colur, ternor il citat dad Elias Canetti: "Schon um der Farben willen liesse sich ewig leben". E nus da la redacziun da PUNTS avain uschia anc temas da scriver per ils proxims milli onns.

Dal rest: il passaport svizzer ha la medema colur sco il logo da PUNTS – bun divertiment cun questa 83avla ediziun!

texts en questa ediziun

PUNTS (Infos interns)Ursin Lutz (Dad Indians ed auters cotschens)Anita Simeon (Schubregiada da primavaira)Gian Sgier (Tgietschen dalla sera)Gian Sgier (Ardur)Gian Sgier (Corpus)Fadrina Hofmann (Cun "Il schal cotschen da saida" ha cumanzà tuot)Flurina Badell (Cotschen)Anita Simeon (Columna dal mais: PUNTS - in’aventura) (Rezept dal mais: Turta da Coca-Cola)Menn Caduff (In e-mail da Gieri dubel w Bush)Lucas Simeon (La reyna del carnaval)Andri Hotz, Curdin Pitsch e Marco Casal (Adüna pü giuvens! Drogas e criminalited in Engiadin’ota)Guido Casutt (Daco?)Gion Antieni Maissen (Computers sin veta e mort)Anna Serarda (A la rumantschia, ...)Anita Simeon (Intervista cun Clà Riatsch, nov professer da rumantsch a l’Universitad da Turitg)Dario Dosch, Peter Cadoso, Moreno Raselli, Thomas Zischg ("La giuventüna da pü bod nu d’eira megldra)Jachen Prevost (Disc dal mais: DJ Tomekk - Return of Hiphop)

turnar a la survista