PUNTS
la gasetta giuvna

Detagls davart l'ediziun nr. 82

mars 2001
annada 7
Sveltezza
PUNTS nr. 82
Caporedacziun: Conradin Klaiss
Fadrina Hofmann
Layout: Theres Jörger
Susanne Egli
editorial

Vinavant – uman constant (Anita Simeon)

Anavon, vinavon, vinavon, anavon – uschia chantavan ils chantauturs Alexi Nay e Marcus Hobi ils onns '80. Igl anavon è ì vinavant e jau ma chat en la situaziun che quai che jau fatg oz en il trend è damaun gia antiquà. Surtut quai che pertutga ils meds electronics è il svilup d’ina tala sveltezza ch’ins vesa mo anc la strivla da condensaziun. I para sco tut il muviments mussassen ina curva exponentiala e tut che spetga il stratg. Surtut la natira para surdumandada. Er in sistem cumplex sco l’uman – er sch’el ha betg tant gens sco spetgà – n’arriva betg da suandar. Stress è bain in dals pleds ils pli frequents dal mintgadi actual.

L’allitteraziun adequata è spert chattada:
Progress
Success
Stress

Da l’autra vart ha il svilup svelt er in’auter aspect. Cun la nova telecomunicaziun pudess il contact interhuman atgnamein vegnir fructifitgà. Donn è però ch’ils blers contacts daventan superficials perquai ch’els curran cunter il temp. Lamentar na gida però betg enavant. La sveltezza ha era sias bunas varts. Per exempel è la sveltezza da la reacziun tar in accident u chaussas similas vegnida pli gronda. Ma er qua ha la sveltezza ses pretsch – en il trafic quotidian.

Il davos avain nus però sez per gronda part ils levagls da cumond en maun e nus mudessan prender il pe dal gas. U stuain nus propi ir sco furias tar il mund? – Forsa pudain nus inagiada er star enavos ed ans laschar ir, prender la vita sco ch’i vegn.

Jau sper en mintga cass che Ti hajas temp da leger las PUNTS che Ti tegnas en maun e sche Ti has perfin anc temp da dar in feedback, essan nus dubel cuntents.

Bun divertiment!

texts en questa ediziun

Chatrina Josty (Inua es Abu-Dhabi?)Rafael Müller (En de sot l’ansagna dalla sveltezza)Marco Casal, Curdin Pitsch ed Andri Hotz (Plündrager our üna banca?)Alexander Casanova (Spert ina viseta)Gian Sgier (Observaziuns)Fadrina Hofmann (One night in heaven)Samuel Nogler (Ma sapperlot - perche svoula tuot our da s-chantschia?)Flurin Caduff (Poesias)Angela Schmed (Differenzas)Lucas Simeon (El condor passa)Anita Simeon (Nov president da la GiuRU) (PCD giuvna Surselva)Men Caduff (Bush, tatsch, mir e rumantschia)David Truttman (Tuts copieschan las PUNTS) (Clatsch e tratsch) (El enquera ella) (El enquera el) (Clappa, la segunda!)

turnar a la survista