PUNTS
la gasetta giuvna

Detagls davart l'ediziun nr. 81

favrer 2001
annada 7
Spazi
PUNTS nr. 81
Caporedacziun: Conradin Klaiss
Fadrina Hofmann
Layout: Theres Jörger
Lydia Wilhelm
editorial

Spazi (Conradin Klaiss))

"Stai uss inaga eri in tec! Dieus, ti tilas schon ora il davos gnierv a mi. Va giuado!"
(in bab a siu affon)

"Ti eis in prima buob!"
(in di pli tard, il bab carsina las vestas agl affon)

"Neu buca pli datier, sche ti vul buca in pugn en ghegna!" (dus giuvens che drovan fridas)

"Vegns a beiber in?" "Okay! Nua lein ir?" "Lein ir el Posti?" "D’accord."
(dus giuvens che han giu fridas)

"Mann, fai buca la petta!"
(ina giuvna che drova spazi)

"Tegns mei in tec?"
(ina giuvna che ha spazi che vul sminuir el)

"Buna sera, signur Coray!"
(kilometers distanza)

"Ei quei bi per tei aschia..."
(negina distanza)

"El ruaussi en pasch."
(spazi limitau)

"Ella ruaussi en pasch."
(finalmein ils medems dretgs per adina: medem spazi sco el)

A propos: tier PUNTS han giuvnas e giuvens il medem spazi a disposiziun, ed era ils medems dretgs.

In pign tip sche ti vul aunc vegnir libers dad in per patratgs avon che murir: Il temps ei ina dimensiun, il spazi che las PUNTS metta a disposiziun a ti in’autra. Nezegia quellas.

texts en questa ediziun

Anita Simeon (Spazi planiv)Angela Schmed (Schar spazi pils auters)Conradin Klaiss (Lavur cun spazi)Angela Schmed (Patratgs spazius)Rafael Müller (Cunter igl pansar linear)Fadrina Hofmann (Visiun)Corsin Hofmann (Illustraziun) (Viver sin pign spazi, en gronda distanza)Gian Sgier (In media res)Ernst Meister ("Wandloser Raum")Lucas Simeon (Filet de trucha per noel)Men Caduff (Men all over the world)Gian Sgier (Ante Portas)

turnar a la survista