PUNTS
la gasetta giuvna

Detagls davart l'ediziun nr. 80

schaner 2001
annada 7
Budget
PUNTS nr. 80
Caporedacziun: Conradin Klaiss
David Truttmann
Layout: Theres Jörger
André Meier
Franziska Kolb
editorial

Budget è O.K. (Anita Simeon)

La tschigulatta è pachetada en in palpiri verd cun roms oranschs. Medemamain il ris, las conservas, il café – migros budget! Il menu gusta ed dal riz casimir na s’accorschins betg pli il pachetadi bunmartgà.

Mo la tschigulatta na poins betg regalar – quai dess in zichel in maletg amar.

Avair en maun l’agen budget è in art. Quai han las PUNTS stuì s’accorscher a la fin dal millenni passà. Il onn 2000 avain nus però empruà tut per evitar in deficit, ed igl é gartegià da porscher als lecturs e las lecturas dus numers dapli che budgetads. Il numer dal favrer cun ils inserats ha bain promovì il scurlattar d’intginas testas, il numer da la Scuntrada perencunter è stà il highlight da quest onn. Nus engraziain a la Lia Rumantscha per tut lur sustegn generus ed a la GiuRu che stat sco ina pitga ferma davos noss experiment. Engraziar vulain nus però er a las lecturas ed als lecturs che èn stads fidaivels a noss product, quai che pretenda la prontadad da sa laschar surprender mintga giada, d’acceptar in’experiment u l’auter dal qual er ils realisaders na san betg propi tge che vegn igl davos sin maisa.

Nus essan leds da pudair mussar in rendaquint equilibrà. Nus vulain però er vinavant empruar da realisar projects spezials, frestgs ed unics. Projects spezials sco per exempel las cartas postalas avain nus mo pudì realisar grazia al sustegn d’in partenari privat. Nus na pudain betg garantir che nus chattian er quest onn quels sponsurs, e sco l’onn passà na pudain nus betg garantir a priori 12 ediziuns – ma nus dain noss meglier. Grazia fitg a tuts.

In bun e ventireivel onn nov!

Per la redacziun da las PUNTS, la chauredactura Anita Simeon.

texts en questa ediziun

Rafael Müller (Proposta da compra tgi vess betg da depender digl budget)David Truttmann (Quants raps dast tü oura?)Fadrina Hofmann (Precis quist n’haja tscherchà!)Anita Simeon (Pertge betg ina giada midar insatge?)Lucas Simeon (De padrinos ed independientes)Men Caduff (Il nov millenni cumenza ussa!)Anita Simeon (imagiNATION) (Co fuss ei bun in budget?)

turnar a la survista