PUNTS
la gasetta giuvna

Detagls davart l'ediziun nr. 79

december 2000
annada 7
Ferm tubac
PUNTS nr. 79
Caporedacziun: Conradin Klaiss
David Truttmann
Layout: Theres Jörger
Lydia Wilhelm
editorial

Priiiiis! (David Truttmann)

Chau Ti, char/a lectur/a da las PUNTS.

Mintga mais offerin nus a Tai divers texts tar x-in tema (puntissimo) – "Orignial", "Suicid", "Scuntrada", "Vacanzas", "Rimnar", "Ex" e "Verd" per numnar be in pèr exempels da nossas fantasias redacziunalas da l’onn 2000. Nossas layoutistas emprovan lura da dar a tut quels texts ina furma.

Priiiiiis!

Insatge – haaaaatschi – stoss jau però admetter: bleras giadas studegian las redacturas ed ils redacturs prest ora la chavazza per savair tge scriver tar quels puntissimos. Anc savens scrivan ellas ed els lura insatge auter che n’ha da far nagut cun il tema prescrit, mabain simplamain insatge che la/al interessa.

Gea, prendain anc in bun schnupf – priiiiis!

Era tar quest – hahahatschiiiiiiii – numer cun il tema "ferm tubac" n’è quai betg stà auter. Las redacturas ed ils redacturs èn stads sfurzads ina giada dapli da far in brainstorming davart quel tema, natiralmain be en lur agens tscharvels.

Mettain si anc in mantun sin noss tscharvè – priiiiis! Basta – hatschüüüü – faschain ina giada ensemen – Ti, char/a lectur/a ed jau – uschia in brainstorming, e quai gist tar il tema da las PUNTS che ti tegnas ussa en maun – tar il tema "ferm tubac"! Però prendain l’emprim in bun mantun or da la stgatla Kensingtun: "Puella pulchra grappa püra, la vita es bella, la vita es düra…priiiis!"

O na, laschain per oz il – hahatschiiiii – brainstorming. Be anc insatge curt, avant che Ti legias ussa vinavant ils texts da las PUNTS. – Sin mintga stgatla da tubac da schnuffar ch’ns po cumprar en Svizra stà scrit : "Die EU-Minister warnen: Tabak gefährdet Ihre Gesundheit." Damai na vala quai betg per nus Svizras e Svizzers.

Perquai bun divertiment cun il "ferm tubac" da las PUNTS nr. 79 dal mais d’Advent! Priiiiis e bellas festas!

texts en questa ediziun

Angela Schmed (Ina "coola" malsogna)David Truttmann ("Sapperlot... che ferm tubac")Men Rauch (Ferm tubac)Paulin Nuotclà (Ord "comics rumantschs")Angela Schmed (Cordials salids)Men Caduff (www.big-brother-mencaduff)Anita Simeon (Claudia Cadruvi Pfeiffer)Anna Maria Bott (Ad ün da quels pleds)Anita Simeon (Eva Riedi)Lucas Simeon (Muchos saludos de Arequipa ils 9 d’ october)Fadrina Hofmann (Üna vita dedichada ad ün ideal)

turnar a la survista