PUNTS
la gasetta giuvna

Detagls davart l'ediziun nr. 76

settember 2000
annada 7
Scuntrada
PUNTS nr. 76
Caporedacziun: Conradin Klaiss
David Truttmann
Layout: Theres Jörger
editorial

Scuntrada en Engiadina (dal team da PUNTS)

PUNTS installescha in biro da redacziun provisoric cun la finamira da producir il numer da settember entir ed entratg qua a Samedan. La gasetta giuvna fa quasi Scuntrada cun sasez. Per l’emprrima giada vegnan las redacturas ed ils redacturs ensemen en in lieu per lavurar communablamain. Quella giada faschain nus nossa gasetta sco ils gronds! Betg sco usità – en sistem da patchwork, mabain en contact direct.

Igl è stà in’experientscha fitg buna per nus tuts. Il mussament per il experiment gartegià è – sper il diari da la Scuntrada che Ti tegnas en maun – segiramain stada la preschientscha permanenta dal team da PUNTS en la redacziun. Insatgi era adina d’enturn, da di enfin tard la notg. L’engaschi da mintgin ha surpassà il quantum normal. Quai grazia a la dinamica ch’è naschida or dal collectiv.

Ch’igl ha plaschì a nus tuts, demussa er il fatg che nus eran pli gugent preschents en la redacziun che dad ir ad occurrenzas scuntradisticas. La Scuntrada ha gì lieu per nus en quel simpatic, pitschen biro en l’Academia.

Po dar che nus avain manchentà tschertinas interessantas chaussas organisadas, nossa Scuntrada ha dentant gì lieu qua a Samedan tranter la glieud da PUNTS e da la GiuRu. Co auter entrain nus uschiglio en contact uschè intensiv – nus Puters, Sursilvans, Valladers e Surmirans? Er sche la communicaziun era tschertas giadas in zichel greva, noss orizont s’ha puspè schlargià ina giada dapli. E quai circa per la vastadad da l’Engiadina ota!

Tals inscunters da la redacziun da las PUNTS datti segir e franc puspè. Forsa a Camuns, Salouf, Fuldera, Pigniu, Preda, Stierva u Vnà. Per far quai n’avain nus dentant betg da basegn d’ina Scuntrada.

Nus engraziain fitg a la Lia Rumantscha che ha sponsurisà quest numer da las PUNTS.

texts en questa ediziun

Anita Simeon (The real voice of rumantsch)Mirta Nicolay (Mac he homens)Fadrina Hofmann (Sala Plaina)Anna Maria Bott (La romontschia ei morta - eviva las subvenziuns!)Anita Simeon (Tuts toffan)

turnar a la survista