PUNTS
la gasetta giuvna

Detagls davart l'ediziun nr. 74

fanadur 2000
annada 7
Rimnar
PUNTS nr. 74
Caporedacziun: Conradin Klaiss
David Truttmann
Layout: Theres Jörger
editorial

Rimnar (Anita Simeon)

1198, 1199, 1200. Finalmain! Ussa ha jau avunda puncts per pustar quai cudesch che m’interessava adina! Jau ser puspe la stgatla.

Has ti ina carta da cumulus? Na? Ina Supercard dal Supercoop? Na???? He il temp da rimnar puncts da mondo e da silva è passà!

Il martgà nair flurischa. Ils dealers spetgan gia davos la porta da la scola. Inzagni dastga vegnir baratà, perquai che sia fatscha tatga gia a chasa en il album. Per paja mantga il numer 66, il portugais Luis Figo. L’alternativa èn ils pokémons che èn gia vegnids stampà en ina sagunda ediziun perquai che l’emprima era exausta.

Sco dess jau ussa manar ella si tar mai en chombra? – Il tric cun la collecziun da marcas è in zichel antiquà. Forsa che jau pudess imponer ad ella cun mia collecziun da gieus da video. U forsa tuttina mia collecziun da DVD’s, u tonschan schizunt las CD’s?

Tut il mund rimna. "L’uman è vegni sviluppà sco ramassader" – uschia Urs Trottmann, psicolog diplomà en l’intervesta sin pagina 6. Ed ins po rimnar da tuttas schorts. PUNTS presenta in pêr collecziuns ed intgins rimnaders. Qua datti da quels che rimnan flippers, raps da si’annada, tatgaders, puppas e bler auter pli. PUNTS ha era survegnì ina collecziun da texts da la 2. classa da la scola claustrala da Mustér. Damai: bun divertiment cun nossas collecziun e betg emblida – er quella ediziun tutga tar tia collecziun.

texts en questa ediziun

Fadrina Hofmann (La fevra da ramassar)Anita Simeon (Flipp sin flippers)2. classa 1999/2000 dalla scola claustrala da Mustér (Adrian, Aluis, Bruno: "Gion e sia dependenza da caussas dultschas"; Jonas, Marco, Roman: "La veta da mintgadi"; Denise, Fabienne, Romina: "In misteri"; Toni, Corsin, Curdin: "Senza lavur"; Laura, Sarah, Ursina: "En vacanzas"; Daniel, Retus, Simon: "Monolo)Anita Simeon (Souvenirs, souvenirs)Angela Schmed (Ed ei setschenta el sac da miardas...)

Datotecas
  • 74.pdf (1.38 MiB)
turnar a la survista