PUNTS
la gasetta giuvna

Detagls davart l'ediziun nr. 72

matg 2000
annada 6
Verd
PUNTS nr. 72
Caporedacziun: Conradin Klaiss
David Truttmann
Layout: Theres Jörger
editorial

Viver per amur da las colurs (David Truttmann)

"Schon um der Farben willen liesse sich ewig leben", ha scrit ina giada il scriptur Elias Canetti. E tge colur sa cunfà il meglier cun la primavaira? Gea, senza dubi, senza verd – nagina vita. Il verd da las plantas (clorofil) pussibilitescha la fotosintesa e cun quai era la producziun dad oxigen. E senza oxigen… però smettain cun l’instrucziun da biologia. A la fin dals quints nun essas Vus lecturas e lecturs pli verds davos las ureglias. U almain na stuessan pli esser quai quels che han già fatg ina giada "vacanzas verdas". Quels stuessan numnadamain già avair survegnì scleriment da lur uffizials, tge ch’è bun e tge nausch – u forsa betg?

En sasez è la colur verda in pover cumpromiss, in masdigl tranter blau e mellen. U è forsa precis quai il recept da sia attracziun? Dad unir duas colurs ed alura daventar sezza independenta e libra? Anc ina dumonda averta tar la colur verda: Pertge han gist las tavlas da las autostradas survegnì la colur verda? Per ch’ellas na dattan uschè ferm en egl en la cuntrada – u pertge?

Las redacturas ed ils redacturs da las PUNTS han en mintga cas gì diversas ideas en connex cun la colur verda. Legiai e giuditgai sez. Sperain però che nagin na vegn verd da la ravgia, en legend questas proxims paginas!

Bun divertiment cun las PUNTS nr. 72 dal mais matg.

texts en questa ediziun

Angela Schmed (Carezada, curiosa, verda primavera)Anna Maria Bott (Dapertut be verd d’olivas)Anita Simeon (Ierts)Fadrina Hofmann (Vacanzas verdas)David Truttmann ("Nus vulain lavurar da maniera constructiva")Andreas Horber (Nus, il pövel al cunfin)Anita Simeon (Attenziun! Nano!)Claudio Friberg (Lai sentir el in tec carezia)Fadrina Hofmann (La fügia)Conradin Klaiss (Sentupada)

turnar a la survista