PUNTS
la gasetta giuvna

Detagls davart l'ediziun nr. 71

avrigl 2000
annada 6
Comics
PUNTS nr. 71
Caporedacziun: Conradin Klaiss
David Truttmann
Layout: Theres Jörger
editorial

Comics (Anita Simeon)

E già puspè tegnais in numer da PUNTS spezial en maun. Nus avain tschertgà comics d’artists ed artistas grischunAs. Per gronda part sa tracti da comics già existents. Ils texts èn per ordinari original rumantsch ed inqual è translatà. Ma betg ils plaids stattan en il center, mabain il maletg. E qua porschan las PUNTS nr. 71 in vaira mix da divers stils e diversas interpretaziuns dal med comics. Il cunfin tranter strip ed illustraziun n’è betg fixà e las istorgias èn schi differentas sco la penna che las ha malegià. Dals cracs sur las studentas da scolas d’art enfin tar il dissegnader da hobby – tut ha plaz sin las paginas che suondan. E tgi che ha cret che comics sajan mo insatge divertent superficial, s’è trumpà. La critica sociala na mantga betg e tuttina na mantga er betg il humor che dat il schlantsch a l’istorgia. In grond engraziament a Duri Capaul che ha dà a nus la pussaivladad dad edir in numer extendì cun ina contribuziun da sia Fundaziun Capauliana.

La GiuRu e la Romania da giuventetgna han en senn da dar or ina ediziun da comics per rumantsch. Il project n’è betg anc schi concret ch’i sa lascha dir dapli surlonder, ma dissegnaders e textaders interessads duessen contactar Jacinta Candinas (tel. 041 260 96 72). Quei numer da PUNTS è en quel connex er da vesair sco sammelsurium e rimnada da quai che è avant maun – e quai sa lascha mussar! Bun divertiment!

texts en questa ediziun

Carmen Casty ()Andrea Caprez ()Jacinta Candinas ()Rolf Giger ()Ivar Trippolini (Occhio)Patrick Schmed ()Paulin Nuotclà ()Fabian Huonder ()Stefan Schmid ()

turnar a la survista