PUNTS
la gasetta giuvna

Detagls davart l'ediziun nr. 69

favrer 2000
annada 6
Inserats
PUNTS nr. 69
Caporedacziun: Conradin Klaiss
David Truttmann
Layout: Julia Staat
Theres Jörger
editorial

Inserats (dal team da PUNTS)

Las paginas melnas da la rumantschia:
Dad in affar en da l’auter ora - tgi è quai? InA redacturA da las PUNTS a la tschertga d’inserats. In chau che fima ed in rispli che scriva adina puspe insatge sin palpieri vid? In inserent da las PUNTS 69 a la tschertga d’in text e maletg original. Desperà e cun paina da letga? InA lecturA da las PUNTS 69.

En las davosas PUNTS avain nus rapportà da nossa situaziun finanziala e da noss concept per l’avegnir. Tar quei tutga era che dus gasettas a l’onn duessan purtar sesezas. Ina da quellas è avant Tai, Ti tegnas en maun l’emprima gasetta d’inserats rumantscha. Ella è in lexicon dal commerzi grischun, saja quai pertutgond servetschs, rauba, texts, chaussas concretas u manc concretas. Forsa è ella er ina schort martgà da pileschs: mintgin porscha insatge da bun e quel che brida il pli fetg po vender. En furma scritta ha quai num: Il pli original inserat dat en egl. Las PUNTS nummer 69 èn numnadamein betg mo ina plattafurma da vendita u da tschertga, ella è er resultat d’ina concurrenza: la concurrenza per il pli orignial inserat rumantsch. La persuna che stat davos l’inserat victur survegn dus entradas per il bogn iric-roman a Scuol. Il segund ed il terz survegnan mintgamai dus entradas simplas en il bogn cun la pli bela culissa da las Alps. Tut ils premis en vegnids sponsurisads dal Bogn Engiadina Scuol. Grazia fitg.

Engraziar vulain nus a tut quels che sustegnan nus cun in inserat en questa ediziun. Naturalmain avain nus er en ils proxims numers adina puspe plaz per inserats. Adressa da contact: Géraldine Frz, Geiselwedstr. 8, 8400 Winterthur, tel 052/242 13 39.

Jau m’hai gia grittentà diversas giadas da las interrupziuns da reclama durant ils megliers films. Bleras giadas ha jau pensà che quels pudessan er purtar in bloc pli lung, concentrà a la fi da la contribuziun. Nus purtain damai las paginas mellnas en furma concentrada e giavischein bler spass da congualar. Affitar e cumprar.

La redacziun.

texts en questa ediziun

(Inserats…)

turnar a la survista