PUNTS
la gasetta giuvna

Detagls davart l'ediziun nr. 67

december 1999
annada 6
Kitsch
PUNTS nr. 67
Caporedacziun: Conradin Klaiss
David Truttmann
Layout: Julia Staat
Theres Jörger
editorial

Tge kitsch! (David Truttmann)

Quest numer da las PUNTS tira fils. El è dultsch sco ina caramella. Ils anghelins celestials vegnan a chantar ensemen in halleluja. Tge bel! Anc mai n’han els vi in numer uschè charin, anc mai n’ha insatgi sin quest mund encletg lur opiniun d’estetica uschè bain.

Ed era la "bellezza" da quest tschientaner, la Barbie da Mattel, vegn a dar in bitsch a ses Ken cura ch’ella vesa questas PUNTS. "Jau hai uschè gugent a Tai ed a las PUNTS!"

Uriella vegn pli prubabel a duvrar quest numer da PUNTS sco nova medischina. Però be en cas urgent, cura che ses pazients èn per murir.

La cumpignia dals pseudo-nostalgikers tar ils architects vegn a duvrar las PUNTS 67 sco nova bibla en lur professiun. Igl è ussa permess da fabritgar chasas engiadinaisas che possedan in balcun tort, che n’èn dentant betg chasas engidinaisas.

Il "Chatschader grischun" vegn a squitschar en sia prosma ediziun tut ils texts da las PUNTS 67, dasper in maletg da Moser. Il tschierv surproporziunà sin quel para da berglar: "PUUUUUUUUUUUUNTS".

Dal rest, kitsch sa era esser ordvart bel!

PUNTS 67 ha pruvà da mussar differents aspects da noss mund da kitsch, nus giavischain bun divertiment.

Dal rest, nus da la redacziun giavischain a tuts anc ina buna finischiun da quest millenni e mo il meglier per il prossem. Pli prubabel vegn tut ad esser auter e nov, tut!

texts en questa ediziun

Robert Buchli (Chicher-tgei?)Fadrina Hoffmann ("Chattast tü cha quist purtret saja kitsch?")Anita Simeon (Tant kitsch pon auters surportar!)Anna Maria Bott (E zac...!)Claudio Friberg e Conradin Klaiss (In schanghetg alla pegna scalegl)Alexia Hitz (Disney sacral)Angela Schmed ("Kitsch fa enqualga bein al cor")Conradin Klaiss (In recept cumprovau alla sava digl onn niev)

turnar a la survista