PUNTS
la gasetta giuvna

Detagls davart l'ediziun nr. 65

october 1999
annada 6
Film
PUNTS nr. 65
Caporedacziun: Conradin Klaiss
David Truttmann
Layout: Julia Staat
Theres Jörger
editorial

Film (Conradin Klaiss)

A la sava dal 20avel tschientaner prendeva nagin propi serius il film. Per il publicum vast eran ils "maletgs vivents" ina divertenta attracziun a las fieras annualas, per ils critichers da cultura e per ils artists in termagliem tecnic senza valita d’expressiun artistica. Entaifer curt temp è quai vegnì auter.

La scena da film rumantscha perencunter è naschida pér l’onn 1995 cun l’emprem film "CULLA STGIRA NOG SESAULZA". A moda ironica tracta quai film da 13 minutas il tema suicidi, in giuven che vegn accumpgnà da figuras surrealas tar sia decisiun tranter vita e mort. Jau ma regordel anc bain che blers han ris a la fin da quella presentaziun, tgi pervia dal cuntegn, tgi sur dal cuntegn. Quest onn vegn el presentà danovamain cun 19 auters fims a chaschun da l’emprem festival da film rumantsch, ed jau sun persvadì che quels che havevan applaudà lezza ga la decisiun dal giuven, na vegnan betg pli a far quai a Surrein. Il grond success da l’ultimativ film rumatsch giuvenil ONNA ha suttastritgà che l’interess per il nov medium da communicaziun dallas giuvnas rumantschas e dals giuvens rumantsch è qua. Quai ha animà l’uniun MOVIE ENCARDEN da far dapli. Cun realisar l’idea dad in festival da film rumantsch (da giuventetgna) dattan els danovamain nutriment a nossa nova cultura en la Rumantschia. Eviva la cultura da film rumantsch!

texts en questa ediziun

PUNTS (Intervesta cun Bernard Bearth da RTR)Mirta Nicolay e David Truttmann (Zappar – zappar intuorn – far zappaditsch – zappamainta)Angela Schmed (In um – New York & Surrein – ina finamira)Anita Simeon (Quick Lunchs)Fadrina Hofmann (James Dean)Daniel Günther (Film – 170 minutas registraziun e 17 minutas film)Anita Simeon (Milo e Simon – in roman per giuvenils)Rafael Müller e Daniel Günther (Nulls dies sine linea [nign de sainza lengia])Selina Fluor (Cumainza a viver!)Erwin Huonder (La GiuRu ho visito ils Slovens ill’Italia)

turnar a la survista