PUNTS
la gasetta giuvna

Detagls davart l'ediziun nr. 62

fanadur 1999
annada 6
Blau
PUNTS nr. 62
Caporedacziun: Conradin Klaiss
David Truttmann
Layout: Julia Staat
Theres Jörger
editorial

Jau vesel mo pli blau (Anita Simeon)

In glindesdi damaun a las 7.00. Il sveglerin scalina e cun bratsch d’atschaal pôss jau il maun sin quest ominus battun che fa finir quest "drrrr" sgarschaivel. Il tgau rampluna, ma quai n’è nagina surpraisa suenter la baracca da la saira passada. Nus eran bain tuts pulitamain blaus. Jau pren mes pais sut la curia ora e ma muent vers il bogn.

Ma divers impediments ma stattan en via – dapertut chantuns e savas. "Quai vegn puspe a dar in pêr tatgels blaus". L’ava cula sur mia pel. Il "dush das" furma in laiet blau en mes maun. In odur exotica – e tuttenina ma chat jau sut ina cascada frestga enmez la natira bellissima d’ina da questas inslas che furman in dies da tartaruga enmez la mar stgir blaua. Jau spetg adina che la tartaruga sa sgoba e tut sa niente el mar. Apropos: tartarugas duessan purtar cletg – mo crettas blauas?

En cuschina vesi puspe or sco adina. La vaschela sa pluna tar in termenta cuolm. Il tschiel è blau azzur e jau sai: quai pudess vegnir in bellezza di. Atgnamain stuvess jau già daditg esser en l’affar – ma jau hai nagin gust da seser en il tram blau e ma render a l’autra vart da questa citad alv-blaua. Ja vegn per la posta e tranter quints ed admoniziuns chatta mes PUNTS blauas. Jau entschaiv a sfegliar e tuttenina sa jau: oz fatg jau blau. Bun divertiment.

texts en questa ediziun

Anita Simeon ("Jau vesel mo pli blau")Fadrina Hofmann (Blue-Jeans) (Blau, poesia)Esther Schena (Fonsi [Comic])Anita Simeon (Blau patentà)Il frar da Geli (Sesentel mal, oz fetschel blau)Clo Duri Bezzola (Blau Engulà)Ladina Schleich (Inscunter cun tons trastolons)Flurin Maissen (Luzi Bürkli and band: D’ one Judge)David Trurrmass ("Tantna darcheu alch nouv in vista" il nov DC da Hangover)Conradin Klaiss (Humor)Mirta Nicolay (Esther Freud: Sommer in Glasgow [Ün roman – duos istorgias])

turnar a la survista