PUNTS
la gasetta giuvna

Detagls davart l'ediziun nr. 56

schaner 1999
annada 5
Café
PUNTS nr. 56
Caporedacziun: Adrian Pally
David Spinnler
Layout: Julia Staat
Theres Jörger
editorial

Be bun cafè fa propcha star bain! (David Spinnler)

Abitar es art. Abitar es intim. Abitar es individual. Abitar es quai cha nus fain durant la gronda part da nos temp liber. Che voula lura per propcha star ed abitar bain?

I voul üna bella abitaziun clera cun stanzas grondas, cun parket, cun üna bella cuschina ed ün grond bogn. Lapro sto l’abitaziun esser oura aint il verd o d’immez üna cità veglia cun ün üert o cun terassa sül tet da chasa. Üna bella e gronda cuschina es eir alch fich important. La mobilia ha schi va il dret design. Quai es tuot bel e bun, schi’s ha insomma raps avuonda.

Propcha decisiv per il bainstar a chasa – dimena per l’abitar – es però il cafè. Sainza bun cafè nu güda ingün sofa cun bel design pel bun sentimaint a chasa. I voul simplamaing ün bun cafè! Ma cun quel bun cafè esa ün pa üna roba in Svizra. Las ustarias spordschan pel solit alch cha ün talian nu nomness mai cafè. A chasa esi pro blers pac meglder.

PUNTS es perquai it in tschercha dad üna buna maschina da far cafè. Nos tip special per Vus a chasa es la maschina cha l’impraisa da brastular cafè italiana ILLY da Trieste offrischa: La maschina da la seria Amici-cafè porta il nom FRANCIS FRANCIS. Suot il nom Amici-cafè daja lapro eir coppinas adattadas e natüralmaing il cafè. Quai tuot insembel da lura propcha quel bun cafè chi’d es indispensabel pel savoir vire. Finalmaing vegn lura pro cha la maschina da cafè es simplamaing eir amo bella nan da seis design. Il moto da la ditta ILLY per la maschina FRANCIS FRANCIS es ün uffant chi ria. E quista maschina da cafè fa propcha rier. Il cafè a l’italiana ch’ella prodüa nun ha d’avair temma dad ingüns conguals.

texts en questa ediziun

Tanja Cazin (Duos Engiadinais giò Turich e’l caos resüsta)Silvio Camenisch (Utopia / La historia [2])Claudio Friberg (Impressiuns dil marcau da Hamburg)David Spinnler (Tar Mme Tussaud)Tino Küng (Comic)Alberto Palaia (Intervista cun cusseglier guvernativ Claudio Lardi)Andreas Horber (Be auncha 11 mais: il nov milleni s’ annunzcha)

turnar a la survista