PUNTS
la gasetta giuvna

Detagls davart l'ediziun nr. 55

december 1998
annada 5
Nov
PUNTS nr. 55
Caporedacziun: Adrian Pally
David Spinnler
Layout: Julia Staat
Theres Jörger
editorial

Nov! (Anita Simeon)

Tge san ins ozendi anc far nov? Nus vivin en in temp nua ch’il svilup tecnic, politic e social va uschè spert, ch’ins na sa già oz suentermezdi betg pli sche quai ch’ins ha emprendì oz en damaun è damaun a bun’ura anc valabel. Tschertas chaussas perencunter turnan adina puspè, in tschert refrain sa fa vesibel.

Tge san ins qua anc purtar da nov? L’idea da far in chalender n’è er betg dal tuttafatg nova. Ella era sa fitgada gia daditg en la testa da tscherts redacturs. Il resultat è in experiment. In experiment flexibel. Ins sto esser flexibel per chattar insage nov ed er per savair s’adattar ad insatge nov. La cumbinaziun da texts e maletgs n’è betg stringenta, ma lascha plaz per interpretaziuns, per novas vistas, per novs impuls. Uschia po il text avrir novs sguards als maletgs ed ils maletgs als texts. Mintgin vesa puspè insatge auter, insatge nov, fa in’autra cumbinaziun.

Porscher in chalender che mussa ina unitad e che porta tuttina mintga mais insatge nov, quai era nossa sfida. Sch’il resultat ans è gartegià, pudais vus ussa giuditgar. Bun divertiment ed in bun nov onn cun PUNTS – la gasetta giuvna.

P.S.: Betg n’emblidar ch’i sa tracta dal davos onn avant la midada dal milleni – damai: Giudai el! Ins na sa mai tge che suonda…

texts en questa ediziun

Seraina Caduff (Recept da crefflis da vin: in recept vegl da mia tatta)Mirta Nicolay (Per adüna)Conradin Klaiss (La veta suenter la mort)David Truttmann (La plü nova)Daniel Günther (Te)David Truttmann (Ischtorias savaivel schcriver, Flurin)Tac (Total arustous!)Uorschla Natalia Caprez (La fuora i’l paquet cigarettas)Andreas Horber (posa creativa)Claudia Friberg (La tenuta positiva da viver)Anita Simeon (Temp da grazia)

turnar a la survista