PUNTS
la gasetta giuvna

Detagls davart l'ediziun nr. 54

november 1998
annada 5
Utopia
PUNTS nr. 54
Caporedacziun: Adrian Pally
David Spinnler
Layout: Julia Staat
Theres Jörger
editorial

Nagut è pli realistic che utopias (Anita Simeon)

"In er a Middlesex è meglier ch’in principadi ad Utopia." Uschia scriva Thomas Bobington 1846. Ed er sch’el era in lord englais, ha el insatge fitg svizer, grischun, rumantsch: Gea betg ristgar insatge, tegnair quai ch’ins ha, n’avair naginas visiuns. Dentant sa ina idea utopica avair resultats fitg realistics, forsa al cunfin da las pussaivladads, ma ils cunfins poins pèr chattar sch’ins surpassa els. Il scriptur Norman Mailer, da sia vart in American, scriva: "Quai ch’ins entschaiva oz sco science-fiction, pon ins damaun forsa chalar sco reportascha."

Ideas utopicas pon avair ina forza creativa, pon deliberar energias. Mintga societad, mintga cuminanza, surtut cuminanzas pitschnas ston avair utopias per commuventar insatge, uschiglio restins en las pussaivladads realas che daventan adina pli paucas. Ins sa metta quatras cunfins a sesez, perquai ch’ins n’ha betg la curascha da bandunar la realitad, temond ch’ins vegna forsa numnà in spinner u ina fantasta. Ideas utopicas, e sajan ellas anc uschia abstrusas èn il motor dal svilup. Vegnir enavos al funs da la realitad vegnins anc baud avunda. "Igl è pero senz auter vair, e tut las experientschas historicas demussan, ch’ins n’avess betg cuntanschì il pussaivel sch’ins n’avess betg emprovà da tschiffar il nunpussaivel." (Max Weber)

texts en questa ediziun

Seraina Caduff (Utopia)Peder Plaz (L’ utopia – ainten igl decurs digl taimp)Adrian Pally (Utopia – La historia)Uorschla Natalia Caprez (Il medicamaint cunter sida – ün utopia?)Gion Balzer Risch (November)Peder Plaz (Utopia oz – discuors cun mamez)David Spinnler (Zorro fa rier – ma na daüplü)Tanja Canzin (1096 dis in vidai sco marangun)David Truttmann ("Nus lain ün tren e na ün’ autostrada zouppada" – Vereina: L’ opposiziun d’ eira gnüda taschantada)

turnar a la survista