PUNTS
la gasetta giuvna

Detagls davart l'ediziun nr. 51

avust 1998
annada 5
Alps
PUNTS nr. 51
Caporedacziun: Adrian Pally
David Spinnler
Layout: Julia Staat
Theres Jörger
editorial

Bainbaud ina Svizra alpina? (Anita Simeon)

L’alp è in mitos. Mintga alp ha ses spierts, ses gnoms e sias ditgas. La glieud ch va ad alp taxesch’ins savens in pau speziala, curiusa, atgna. Savens è il ir ad alp ina fugia, ina fugia da la realitad dal mintgadi. Il pli tard suenter Heidi è l’alp il sinonim per l’idilla totala. E quai propi uschia? Sco sa presenta la realitad? PUNTS ha visità differentas alps ed ha discurrì cun glieud che va mintg’onn ad alp.

L’alp la pli curiusa na sa chatta momentan betg sin 1700 meters autezza en la chadaina da las Alps, mabain sin 450 meters a Turitg. Var 800 vatgas pasculeschan momentan en la metropola svizra, senza vegnir a ina frastga verda. Ellas fan nagina canera, mintgatant sent ins la stgela d’ina vatga da MCDonalds, ma gnanc la vatga dal Sprüngli che vegn furtschada si, lascha descender in "Muuh" da sia gniffa plastificada. Ed ellas han er betg motiv da sa lamentar, pertge ellas en l’atracziun turistica da la citad ed i dat nagin privel da crudar giu da scarpas pendantas u da vegnir surprais d’ina naiv da stad. Sulettamain ils amaturs da trofeas exoticas che taglian giu las cornas sun da temair, ma las cornas da lur soras en las Alps èn per gronda part gio da ditg vegnidas smuttadas. A l’entschatta da quest tschientaner han ils alpinists da la citad conquistà ils piz alpins ed ussa conquistan ils vers alpinists la citad. L’alpinisaziun è progressiva e forsa che nus pudain preschentar a l’Expo 01 ina Svizra daltuttafatg alpina.

E tgi sa, forsa che quel svilup po impedir la mort da noss lungatg, pertge sche mintga Svizer s’interessescha alura per la cultura d’alp, essan nus francamain en buna posiziun. En la litteratura muntassen nus mintga lista da bestseller ed il vocabulari Surmiran vegniss restampà sco cudesch dal fatg. Belas perspectivas per in lungatg che para da negar: LAND IN SICHT!

texts en questa ediziun

David Spinnler (Sulet sin viadi vers il tschiel)Esther Schena (Fonsi in alp … [Comic])Uorschla Natalia Caprez e Stefan Brülhart (E posa in pasch süll’ Alp Spielmannada)Iris Hauschild e David Spinndler ("Sün alp eisi bella vita, sün alp stuni jent")Claudio Friberg (Patratgs davart in’ amicezia el stadium avanzau)Adrian Pally (Sedefender encunter attaccas verbalas)Anita Simeon (Profil cun Leo Tuor)Karin Saxer (1. Workshop da far films da Movie Encarden)Tanja Cazin (Ils Bandits da nossa regiun)

turnar a la survista