PUNTS
la gasetta giuvna

Detagls davart l'ediziun nr. 50

fanadur 1998
annada 5
Cuira
PUNTS nr. 50
Caporedacziun: Adrian Pally
David Spinnler
Layout: Julia Staat
Theres Jörger
editorial

Hallo Cuira, nua datti action? (David Spinnler)

[KEEP KHUR] Cuira è la chapitala dal chantun Grischun. Cuira è la pli gronda citad rumantscha en Svzra. Blers giuvens da Cuira che vivan durant l’emna a Turitg turnan mintga fin d’emna en lur citad grischuna. Keep Khur stat scrit sin mintga bus.

È Cuira damai ina metropola alpina plain vita, cun ina cultura plain sbrizlas, situada al pe da magnificas regiuns muntagnardas, cun in stupent vin sacral nua ch’era tut la Rumantschia s’inscuntra? È Cuira ina metropola per quels che vulan viver in’autra vita; ina metropola per artists, scripturs, clochards e banchiers?

U è Cuira forsa plitost in terribel gnieu da provinza? I dat scripturs ch’èn cler e net da quel avis: Per Thomas Bernhard è Cuira il pli terribel lieu da quest mund. El sa vilenta enormamain da questa cafugna. Era Maculin – il protagonist dal roman "Adalina" da Silvio Huonder – na po betg star ora ses lieu d’origin. Sia uffanza è stada ina sgarschur en il quartier dal Rain. Ses return nunspetgà da la metropola Berlin finescha cun in debachel total.

Tge ussa? Metropola ubain cafugna? Nus avain visità Cuira ina sonda la stad per far experientschas spontanas cun questa citad. Nus avain era dumandà da quels che vivan per il mument a Cuira e san perquai precis tge che gira a Cuira e tge betg.

E forsa che insatgi da Vus po respunder a la dumonda tge che quels da Cuira fan la dumengia. Pertge sch’ins va a spass la dumengia a tras nossa citad principala han ins l’impressiun che la pesta è sa derasada: Tut è vid e tut è serrà. Quasi nagina ustaria nua ch’ins po baiver insatge ubain mangiar tschaina. In fatg curius per ina metropola.

texts en questa ediziun

Seraina Caduff (Brev al marcau da Cuera)Anita Simeon, Tanja Cazin ("Mo Signur Caluori dastga dar informaziuns da Cuira")David Spinnler (Il sutpassadi provinzial – vistad da la staziun da Cuira)Adrian Pally (Intervesta cun quels da Cuera)PUNTS (Profil cun Alberto Coira)David Truttmann ("Il sömmi nun ingiana mai"– L’ artist Linard Nicolay")Esther Schena (Fonsi [Comic])Daniel Günther (Festival da musica da giuvenils a Barcelona)David Spinnler (Irraziunal – Il nov disc cumpact dals bulais sexuals)

turnar a la survista