PUNTS
la gasetta giuvna

Detagls davart l'ediziun nr. 5

october 1994
annada 1
PUNTS nr. 5
Caporedacziun: Anita Simeon
Gaudench Dazzi
Catrina Salis
editorial

Nota 6! (Werner Carigiet)

Ils blers havevan gia pers la speranza. La problematica dil rumantsch e da la trilinguità dal Chantun Grischun furmava be in tema per noss politichers duront allocuziuns da l’emprim d’avust. El Cunsegl pitschen u grand era quai tema dentant evità e bandischà sistematicamain. Memia grond era la tema da la classe politique dad eventualmein perder prestisch cun ina confruntaziun engaschada en questa direcziun. Umens e dunnas cun profil han mancà fin ussa en las retschas dals cussegliers guvernativs e dils deputads rumantschs che havessan pudì influenzar activamain la pratica letargica dal Chantun. L’endisdì, ils 26 da settember è dentant in um partì da ses domicil a Scuol in um cun la ferma intenziun da midar questa situaziun desolata: Not Carl, president dil Grond Cunsegl. En sia allocuziun d’avertura da la sessiun ha el puntuà ch’il Chantun Grischun stoppia s’engaschar pli fermamain da la promoziun da la trilinguità da noss chantun. Bravo, ser Not! L’emprim pas vers ina politica da lungatg seriusa è finalmain fatta. I vala dentant anc da gudagnar majoritads per vossas intenziuns e qua na bastan be pleds. La giuventetgna rumantscha dal Grischun observa cun attenziun voss e l’engaschi dals ulteriurs deputads rumantschs en chaussa. Forsa rumpa il glatsch era en la Surselva. Las premissas èn bunas. Lain sperar che PUNTS na stoppia betg reparter notas insufficientas el proxim temp.

texts en questa ediziun

Sara Hauschild (Da Rumantschins e Rumantschuns)Toni Poltera (Scuntrada)Anita Simeon (Dis da litteratura)Anita Simeon (Bulias dapertot!)Guadench Dazzi (Conjunctura da litteratura!)Isabella Jäger (Ün sguard I’il 21avel tschientaner)Daniel Monn (Iniziativa per ina politica da drogas raschuneivla)Catrina Salis (Egn musical crescha)Catrina Salis (Profil cun Christian Klucker)Anita Capaul (Tgei roc-r-verc!)Anita Capaul (Roc’o’ congo ei buc Hades!)Marcus Castelberg (Giacun Hasper Muoth – ina cronica en dus toms cumpilada da Leo Tuor)Ravena Lechmann , Annalisa Cathomas (Deschset ed en speranza)

turnar a la survista