PUNTS
la gasetta giuvna

Detagls davart l'ediziun nr. 46

mars 1998
annada 4
Temp
PUNTS nr. 46
Caporedacziun: Adrian Pally
David Spinnler
Layout: Julia Staat
Theres Jörger
editorial

Pledoyer per la lungurella (David Spinnler)

Temp? In tema filosofic per da quels studegiads...Tge lungurella...Ma avair lungurella vul dir ch’ins ha temp. Ins na sto far nagut. Datti insatge meglier?

Tut quai che nus faschain sa drizza suenter il temp. Senza agenda na va nagut. Agendas èn biblas modernas. Temp ans unescha ed ans separa. Staziuns da tren èn tempels dal temp: Bitschs, allegria, larmas ed attatgas da ravgia be pervia da las lantschettas da l’ura che fan lur gir regular senza perdun. Dapertut giain nus cun noss simbol da controlla temporala: Quasi mintgina e mintgin porta in’ura enturn la chanvella. Ins na dastga betg duvrar memia bler temp per ina lavur. Ins ha termins. Tut sto ir svelt. Ins ha stress, vul dir memia pauc temp. Nus ans cumportain adina sco che l’ura cumonda. E tge vulessan nus era far auter? In rendezvous cun il lover per exempel na fiss betg pussaivel senza pudair fixar in temp per l’inscunter. Il temp è noss sistem da coordinatas per s’orientar.

Gia noss babuns savevan quant important ch’il temp è. Els han fabritgà baselgias cun uras sin il clutger. E tge uras che quai èn! Cur che jau hai guidà ad in pèr amis da l’ester tras Turitg han els dalunga vis il clutger da St. Peter lung la Limmat. Sin quel clutger han ins montà la pli gronda ura da baselgia da tut l’Europa. "Ussa savain nus pertge ch’ils Svizzers èn adina talmain punctuals! Uschia grondas uras n’avain nus anc mai vis!" è stà lur commentari.

Nus vivain en ina dictatura dal temp. Tge bel ch’ins po fugir da quella e far vegnir la lungurella per star patgific.

Jau giavisch blera lungurella cun questas PUNTS.

texts en questa ediziun

Seraina Caduff ("Co fuss quei sch’ ins savess...")David Truttmann (Il countdown pel 2000 – Tut sarà pussibel...)Tania Cazin (Temp per glieud sco tü ed eu)Anita Simeon (Profil: Gion A. Derungs)Guadench Dazzi (Tranter Suagnin e Sarajevo: Fortunat Hauer – in roman da Linard Bardill)Daniel Günther (Cò egl anc plaz...)Erwin Huonder (Temp [canzun da 'tabularasa'])Andreas Horber (Üngün "rock tranter rocks '98")David Spinnler (Urlando Contro il cielo – Luciano Ligabue live)

turnar a la survista