PUNTS
la gasetta giuvna

Detagls davart l'ediziun nr. 42

november 1997
annada 4
Crimis
PUNTS nr. 42
Caporedacziun: Adrian Pally
David Spinnler
Layout: Julia Staat
Eddy Huonder
editorial

Crimis! (Anita Simeon)

Jau aveva strusch avert la porta ch’il telefon scalina. "Hallo?"– "Nus avain Tes ami! Sche Ti vuls avair el en vita, allura suanda noss giavischs!" La vusch è bassa, filtrada e pauc agreabla. "Has chapì!?" La snavur scurlatta tut mia membra, jau trembl sco in figl. "Tge avais vus fatg cun el?"– "Nagina tema – sche Ti fas quai che nus lain na capita nagut! Nus vulain in milliun francs svizzers en bancnotas da 200 fr. Nua e cura che la surdada ha lieu vegns ti a savair bainbaud." La lingia interrutta. Il telefon spetga sin in nov clom e quai cun in tun tut gnervus. Er mia gnerva è mainaivla ad in collaps. Jau dagut. In milliun, e quai en notas da 200 fr. – grond gust na paran els betg d’avair. Gist la pli fata bancnota ston els avair – ma basta, almain mussan els ch’els stiman buna lectura, er sch’els han probablamain anc mai legì in’ovra da Ramuz... Qua ma vegn in’idea.

L’atmosfera è stitga, il stgir imperdunabel, la brentina impussibilitescha mintga vesida. Avant dus dis m’avevan els telefonà e numnà quest lieu. Ina curt interna, ils giats beschlan si per la glina, ils containers toffan da restanzas che fissan atgnamain previdas per il compost – ma tgi ha oz anc temp da sortir il rument? En in chantun dus drogads che brischan lur chaussa sin ina veglia stgatla da Cola. Il silenzi e la nunpussanza daventan insupportablas. Tuttenina envida l’auto al fund da la curt – jau n’aveva gnanc realisà ch’i deva er anc autos en quella curt, ma nua n’én quels betg – ses reflecturs. Jau poss vesair las conturas da trais umens e sche jau ma na sbagl betg è ina quella da mes ami. Cler, quai è el! Jau cur. "Stop, stop, l’emprim ils raps!" Jau dun ad el la cofra e prend mes ami sut bratsch, quant leda che jau sun d’avair el puspè per ma! Nus giain en direcziun extrada passond il giat e la giatta che paran in’unitad ed ils dus toxi comans che paran d’esser cuntents en lur mund da delirium. Nus na stuain far nagina prescha perquai che jau sai ch’il cuntegn da la valischa ha tschiffà ils rapinaders. Enfin che quels han legì tut quellas PUNTS – bun divertiment!

texts en questa ediziun

David Cariget (007 – A star is born)Tanja Cazin (Perche güsta quist crimi?)Adrian Pally (Il mazzamizzis – in crimi per anitgs dalla brutalitad senta senn)Andreas Horber ("Harry, vo a piglier l’ auto!!!"– il crimi illa televisiun)Tino Küng (Illustraziun posta)Anita Simeon (Profil cun Roger Graf)Isabelle Jaeger (Ons impè da minuts – ils collegas da Derrick a Cusira)Peder Plaz (Anfigna la davosa qutella da sang)Anita Simeon (GiuRu on Ladinia Tour)David Truttmann (Mai star salda – adüna far pass inavant (intervista cun Urs Imboden))Conradin Klaiss (Discuors cugl jester)Claudio Spescha (Hip Hop cun instruments da stuors – Coolbone: "brass-Hop", Hollywood/Polygram)David Truttmann (Il "bonus rumantsch")

turnar a la survista