PUNTS
la gasetta giuvna

Detagls davart l'ediziun nr. 34

mars 1997
annada 3
Cunfins
PUNTS nr. 34
Caporedacziun: Anita Simeon
Gaudench Dazzi
Layout: Julia Staat
Eddy Huonder
Gioni Fry
editorial

The ultimate place for fun and action (Claudio Barrachi)

Nos planet as müda vi e pü in üna sort da Disney World globel, chi consista our da la granda maxima da la libera economia. Tü pejast per quelò cha tü voust avair, scha tü ofrischast qualchosa voust tü esser pajo. Trais puncts importants sun da considerer in quist connex: dapü raps cha tu spendast, dapü cha tuornan inavous; il scort vegn rich e fo buns affers, il pluffer resta inavous, ma minch’ün ho la schanza; be cur cha hest ün tschert stock da raps at poust eir permetter üna vita plain fun and action, uschigliö at resta be da lavurer tuot tieu vita per pajer las impostas. Nus stuvains savair cha quistas maximas, importedas da l’unica supernaziun chi ho survivieu ils ans 90 – ils Stedis Unieus da l’America -, haun da valair per nus tuots. Cun da quists impissamaints ans vains vi e pü da der giò, scha vulains u nu vulains. Quist penser ans demuossa eir tar nus giuvnAs, nus chi vulains esser al puls dal fun and action. Saja cha vulains experimenter cun l’oter sess, giuver cun las reacziuns dil genituors, fer il pü spectacular sagl cul snowboard, ans incliner il pü pussivel culs skis da carving u fer la pü granda tura culs skis. PUNTS es ieu in tschercha dals cunfins da quist fun and action ed ho chatto cha il materiel nun es il pü important. Cha que do persunas ch haun auncha oters möds per dvanter cuntaints, scu p.e. quellas chi s’occupan da glieud impedida ed imprendan tres quella a cugnuoscher sieus egens cunfins. U da glieud chi rumpa sainza problems ils cunfins dal stedi per as plaschanter i’l sport. A propos rumper cunfins dal stedi: da la situaziun ill’Italia savainsa cha que do Berlusconis e Craxis e la Lega del Nord, tuots cun lur egnas ideas ed ideologies, tuots cun oters cunfins. Giasts italiauns da l’Engiadina (dal savair no na ils pü stüpids) admireschan uschè ferm la Svizra, cha haun chatto la soluziun ultimativa per schoglier ils grands problems da l’Italia: l’Italia dess cumanzer üna Guerra cun la Svizra, zieva ils prüms cumbattimaints (sainza morts, n.b.) as arrendess I’Italia als Svizzers e la Svizra annectess las provinzas da Sondrio, Como e Varese (las provinzas dal nord). Nus guadagnessans cultura italiauna ed ils/las ItaliaunAs il pass Svizzer. Eir ün möd da guarder sur cunfin ...

texts en questa ediziun

Anita Simeon (Dada u: ha l’art cunfins?)Claudio Barrachi (Eir hommens paun passer il cunfin – il spievel scu cunfin)Giachen Maissen (Cunfins – in pareri)Tanja Cazin (La barriera invisibla tanter umans impedits e sainza impedimaint)Peder Plaz (Cunfegn digl "Capitalismus")Adrian Pally (Cunfins dalla communicaziun)Il frar dil Geli (Il nicotin e siu imperi)Daniel Candinas (Culla stgira notg sesaulza)Daniel Günther (175 onns musica da cadetta Coira)Anita Simeon (Profil dal mais cun Celest Poltera)David Truttmann (Sforza, Pascolo e 28 giovaders da la Val Müstair)

turnar a la survista