PUNTS
la gasetta giuvna

Detagls davart l'ediziun nr. 32

schaner 1997
annada 3
Pops e far pops
PUNTS nr. 32
Caporedacziun: Anita Simeon
Gaudench Dazzi
Layout: Julia Staat
Eddy Huonder
Gioni Fry
editorial

Oz sco avant tschient onns? (Anita Simeon)

"Gust d’avari pops ha ina societad mo alura, sch’ella sviluppescha ilg gust vi da sasez."

Uschia Gertrud Höhler, ina germanista e scienziada da la litteratura tudestga. Avain nus insumma anc gust vi da nus sezs? Gust d’avair pops en in mund plain discordia, catastrofas ed anonimitad? No future? No sens?

PUNTS ha dumandà var tschient giuvens e giuvnas tge ch’els/ellas patratgan dal tema pops. Ils resultats dda questa retschertga chattais vus a la pagina 6. Collià cun la dumonda d’avair pops è er la dumonda dal matrimoni. È il matrimoni anc adina in stuair sch’ins vul avair pops u esi plitost aschia che "la flomma da la festa da nozzas è mo qua per envidar il schafot nua ch’in individi vegn ars" (Graf von Bentzel-Sternau, Schurnalist)? È la furma ideala per viver ensemen anc adina la famiglia sco avant tschient onns?

Avant tschient onns era la famiglia ina chaussa seriusa. Las fotos da lez temp mussan tscheratschas immoviblas – dals geniturs sco dals uffants. Gea betg rir! Oz din ins "cheeees" per che la glieud sin la foto fetschia ir lur anguls da la bucca in zichel ensi. Rir sur d’ina furma da viver ensemen già daditg antiquada? Gea, ils giuvens dals onns enturn il `68 han mussà autras furmas da convivenza, atras vias ch’ins savess ir. Els han segiramein laschà anavos fastizs, ma il tenor general è restà il medem. Forsa esi però gist oz en il temp dals divorzis ura da tschertgar autras furmas dal viver ensemen, furmas ch’èn pli adattadas al temp dad oz. Il temp ha sa midà!

Questa frasa è er mia rèsposta sin las reacziuns davart la foto a la p.9 da las PUNTS numer 30. Questa foto è in’ovra artistica che cuntegna bleras vardads d’il mund dad oz. Sch’ins legia en il medem numer l’artitgel davart il nov cumparì cudesch da l’istorgia da Beat Zemp e sch’ins ha guardà la contribuziun da l’emissiun NEXT davart il album da fotografias en la scena da transvestits, alura n’è quella foto betg tratga nà per ils chavels. I dat glieut che na sa betg s’identifitgar cun in sex u forsa en emprima lingia betg cun la rolla cumbinada cun tal. Ussa datti simplamein dus metodas da reagir: u ch’ins avra las portas a questa glieud e s’occupa dal problem u ch’ins serra ils egls, montescha para-egls e viva enavant uschè sco avant tschient onns. La decision per la meglira metoda surlasch jau a vus.

texts en questa ediziun

David Carigiet (Lein inaga mirar conta gnarva che mes vegls han...)Giusep Carigiet (Pop è, bab bu, mumma na, hää!!)Giachen Maissen (Pops e far pops)Werner Carigiet (Pli lunsch en il sid e pli blers uffants)Tanja Cazin (Il pes-chader dad umans)Guadench Dazzi (Savur da stalla u groove alpin)David Spinnler (Ün viadi in üna valischa da gïas – nonsens da l’ironia – ironia dal nonsens)Pia Plaz (Mäk – Mäk)Sara Hauschild (Ün roman dad Andrea de Carlo)Il frar dil Geli (Grazia als macruns d’acziun vacanzas el Grischun)Daniel Günther (Queen)Anita Simeon (Paulo Coelho – O Alquimista)PUNTS (Profil dal mais cun Martina Maissen)Isabelle Jaeger (Il farrer rumantsch dal miracul da pressa grischun)

turnar a la survista