PUNTS
la gasetta giuvna

Detagls davart l'ediziun nr. 31

december 1996
annada 3
Tradiziun
PUNTS nr. 31
Caporedacziun: Anita Simeon
Gaudench Dazzi
Layout: Julia Staat
Eddy Huonder
Giusep Carigiet (fotografias)
editorial

Tradir tradiziun (Guadench Dazzi)

As tgnair vi da tradiziuns significha pels üns d’avair üna perspectiva vers inavous e da’s ranter vi dal passo, our da temma dal damaun. Pels oters coul dir tradiziun avair ragischs, as sentir da chesa, savair dinuonder cha’s vain e da che cha’s es gnieu furmo. Ad es ün po scu illa chanzun da Mani Matter "ir ysebahn": In ün tren as tschaintan duos passagers vis-à-vis. L’ün dad els do las arains al lö da partenza e vezza già in ouravaunt tuot que chi gnarò. Il seguond do las arains a la destinaziun e vezza però auncha lönch ils lös inua cha’l tren es già passo. Minchün dad els pretenda cha sia perspective saja la güsta e già nascha la pü bella dispütta.

Perque fo que bain da müder cò la plazza e schi fo dabsögn eir da tegner il cho our da fnestra. A la dumanda: "Che es per te tradiziun?", ho respüs ün lectur da PUNTS: "Tradiziuns ston gnir tra-dattas, tra-düttas e tra-dittas." Tradiziuns vegnan dedas inavaunt, dimena tra-dedas. Uschè as lascha forsa eviter cha nus fatschans duos voutas la listessa plufraria. La tscherna resta nempe aunch’adüna enorm granda. Tradiziuns staun minchataunt eir gnir tradüttas, voul dir adattedas e las nouvas circunstanzas ed als nouvs bsögns. Be uschè as po impedir cha la tradiziun dvainta folclora, dimena üna culissa sainza cuntegn. Minchataunt es eir da tradir la tradiziun u avair il curaschi da lascher nascher üna nouva. Aunz 25 ans d’eira per nus Svizers ura e strasura da badair cha’l dret da vuscher per las duonnas vess insè già lönch stuvieu fer part eir da nossa tradiziun.

texts en questa ediziun

(Tradiziun e maltgapientscha) (Statements)Adrian Pally (Tgi ha quel da smaccar?)Isabelle Jäger (Scha tradiziuns nu sun da coppar …)Annina Lutz (Spider-Woman ni la 'dunna-falien' tiels Navajos)Conradin Klaiss (La postura ideala dalla femna - in dictat cun consequenzas)PUNTS (Profil dal mais: Adriano Iseppi)Daniel Günther (Queen) ([Tafcap (Prince) - Emancipation] )David Spinnler ("Alternativa al coppar")Elvira Pünchera (Daniel Badraun: In vista a Buddha) (Per Sontgaclau) (Ena critica digl nov Asterix)Werner Carigiet (LR up to date cun facts )

turnar a la survista