PUNTS
la gasetta giuvna

Detagls davart l'ediziun nr. 30

november 1996
annada 3
Auter
PUNTS nr. 30
Caporedacziun: Anita Simeon
Gaudench Dazzi
Layout: Gioni Fry
Giusep Carigiet (fotografias)
editorial

Quai san ins er vesair auter… (Werner Carigiet)

Fin l’onn 1543 valeva il schinumnà maletg ptolemaic da l’univers. Ptolemeus (ca. 87 – 165 s. Cr.) era da l’avis che l’entir univers giria enturn la terra. Malgrà che Nicolaus Copernicus (1473 – 1543) ha quai onn savì demussar che la terra gira enturn il sulegl, pia ch’il mund n’è betg il center da l’univers, pari ch’ins haja oz – 450 onns suenter Copernicus – anc adina fadia d’acceptar ses princips.

Anc oz hai il carstgaun problems cun la perspectiva. Bain sa el – sch’ins dumonda – declarer tut ils detagls co quai funcziuna cun il sulegl e la terra. La transposiziun dal maletg da Copernicus sin il carstgaun sez dentant dat ad el enorms problems. D’ina vart tracta il carstgaun uschè mal la terra sin la qual el viva, ch’isn pudess crair ch’el haja ina talmain impurtanta rolla en l’univers ch’el sa possia sa lubir pliras terras en reserva. Has betg er mintgatant l’impressiun scha Ti taidlas il baterlim dils politichers u da las medias, che l’entir univers giria enturn la Svizra. Legind tschertas gasettas regiunalas pari schizunt che l’entir univers saja situà trenter Pass Alpsu e Ruinaulta u trenter Martina e Pass dal Gelgia.

Fissi betg uras d’emprender da patratgar en autras perspectivas? Has betg gia gì mirveglias da savair quant enorm impurtanta che la Surselva è per in abitant dal delta dal Niger u tge immensa paisa che las tschantschas da blocher han per la sedeschavla glina dal Jupiter? En dimensiuns pli pitschnas bastassi er mintgatant da vesair ina gia ord vista dal magun u da la dentadira tge pustraccas da zutger e chemia che nus laschain passar tras noss tract digestiv!

texts en questa ediziun

David Carigiet (Giuvens: Stei si, defendi, vies dretg legitim!)Claudio Barrachi (La vardet in butiglia)Guadench Dazzi (Ün pô per minchün u il ferm cumanda – l’iniziativa Pro proporz)Pia Plaz (Mintga uman ha dretgs)Anita Simeon (Differenzas)Il frar dil Geli (Sgnocchers e politichers?)Samuel Cantieni (Giuven...)PUNTS (Profil dal mais cun Anita Mazzetta)Sara Hauschild (S’unischan las giuventünas ladinas?)Elvira Pünchera (Eau d’eira aint il fos corp)Daniel Günther (Freddie Mercury - Queen)

turnar a la survista