PUNTS
la gasetta giuvna

Detagls davart l'ediziun nr. 3

avust 1994
annada 1
Umens
PUNTS nr. 3
Caporedacziun: Anita Simeon
Gaudench Dazzi
Catrina Salis
editorial

Ciao Bella!

Tgei drova in um per propi esser in um? Ils meinis divergeschen fetg. Ina caussa ei clara: buca darar corrispunda il maletg ch’ils umens han da sesez buca cun quel che ls dunnas fan ad els. Ei in matscho propi aschi irresistibels per ina dunna sco el crei dad esser, ni eis el semplamein in pauper schani che ha (aunc) buca realisau propi tgei che las dunnas vulan? O daja differenzas tanter homens sursilvans, surmirans ed engiadinais? Inua as chattan ils meglders „bocs"? O sun las duonna d’üna regiun simplamaintg pü pretensiusas cu lur collegas d’ün otra val? O metta ün’engiadinaisa otras prioriteds cu üna surmirana, sutsilvana o üna sursilvana? Basta, PUNTS es darcheu üna jada quella gazetta chi dà resposta a dumandas chi occupan a minchün ed impustüt a minchüna, però chi spettan fin al di d’hoz sün respostas fundadas. La dumonda tgi tgi sea igl pi bel om è però betg la suletta dumonda tgi interessescha las duonnas dad oz – i dat er anc oter problems, per exaimpel igls radis ultraviolets tgi pericliteschan de e notg las zellas da nossa pel. Cun la dretga prevenziun poins tuttegna galdeir las belezzas dalla veta. Er igl sport è egna da chellas. Riverrafting, eir cun mountain bike u perfign far igl surfen soins ainten la nossa regiung – pertge adegna eir a Hawaii , a Tenerifa u a Malibu ? Er per chels tgi sa rateiran pi gugent ainten igl frestg dall’abitaziun durant tg’igl termometer dador sclavigna adegna pi anse o PUNTS en bung tip: sco fissigl da liger eneda en bung codesch? "Das Schlampenbuch" da Milena Moser o losiva tot las premissas. Forsa tgi ensatgi o er taimp e peda ed igl detectiv bisigneivel da cattar igls assasigns ainten igls crimis sen pagina 16. Ena delicatessa zont speciala è er igl portrait da Heidi Derungs. PUNTS nombra 3 porscha a tots ensatge – franc era a tè! Bun divertiment!

texts en questa ediziun

Werner Carigiet (Quant valan ils umens rumantschs?)Anita Simeon (En veir om)Anita Simeon (Cant lunga ò la gravatta dad esser?)Sara Hauschild (Homens da chasa)Anita Capaul (Daco dat ei umens?)Anita Capaul (Swissraft – ell’aua, ell’aria, sin tiara - dapertut)Anita Capaul (4. Maraton da Mountain-Bike a Lumbrein) (translaziun)] - Pia Plaz ["Igl vendader ed igl elan" da Franz Hohler)Catrina Salis (Scuntrada 94 Val Schons)Elvira Pünchera („Das Schlampenbuch" da Milena Moser)Marcus Castelberg (Patratgs d’in romontsch malsegir)Rene Spescha (Sur dalla qualitad ella musica da rock)Isabelle Jaeger (Il sulai – ami o inimi?)Guadench Dazzi (Spiert aviert – il forum da la giuventüna da l’Europa)Claudio Barrachi (Che ho dachefer il vent da Malögia cun sponsoring?))

turnar a la survista