PUNTS
la gasetta giuvna

Detagls davart l'ediziun nr. 27

avust 1996
annada 3
Moda
PUNTS nr. 27
Caporedacziun: Anita Simeon
Gaudench Dazzi
Layout: Patrick Imhof
Giusep Carigiet (fotografias)
editorial

Jau sent che jau vegn vegl! (dal team da PUNTS)

Gea, cur ache jau era anc giuven, lura marschava anc insatge en mia stgaffa da vestgadira! Mintga moviment da moda u da trend – tuttina da tge direcziun e gener – stueva vegnir sagià, gustà e trapassà cun fieu e flomma. Jau sa anc tge cumbats che jau aveva a partir da dudesch-tredesch onns cun mia mamma en la stizun da vestgadira. Ella vuleva partout adina cumprar per mai gist quella gardaroba che valeva sco la pli davosa tar mes collegas ed amis.

Pli tard èsi vegni meglier: jau hai la finala dastgà cumprar mez mia vestgadira. Jau hai dentant spert remartgà ch’ils paucs daners da sac na bastavan betg (adina) da cuntentar las lunas da mes gust. Mes geniturs na savevan betg furnir avunda daners per pudair satisfar mes enorm basegn da resursas.

Ed uss – jau hai surpassà la sava magica da 30 onns che separa il giuvenil dal "grufti” – sai jeu be scurlar il tgau dal cumportament da moda dals giuvens d’ozendi. A mai par ache la vestgadira saja oz già "out” avant ch’ella saja arrivada sin las curunas da las stizuns. In trend persequitescha e varga l’auter. Tut vu lesser "in”, mintginA vu lesser sco tschel e nagin vul esser singular. Jau stoi dir: jau hai problems da suandar quai svilup. Da noss temp era quei tut auter - u betg?

U sun jau simplamain daventà vegl?

texts en questa ediziun

Giusep Carigiet (Moda per las vacanzas – vanccanzas per la moda?)PUNTS (Tge è IN – Tge è OUT?)Claudio Barrachi (The show must go on)Sara Hauschild (Miss Rezia quinta da sai e da moda)David Prat (La moda dela mediterraneïtat)Anita Simeon (Moda angal per spinners?)Gion Balzer Risch (Ina caussa da gust)PUNTS (Profil dil meins cun Curdin Vincenz)Il frar dil Geli (Sex avon la letg)David Spinnler (Oasa immez chasinas burgaisas: ün tipi indian il chantun Turich)

turnar a la survista