PUNTS
la gasetta giuvna

Detagls davart l'ediziun nr. 25

zercladur 1996
annada 3
Gervosa
PUNTS nr. 25
Caporedacziun: Anita Simeon
Gaudench Dazzi
Layout: Eddy Huonder
Giusep Carigiet (fotografias)
editorial

Eau telefon, dimena existi! (Guadench Dazzi)

Cun bundant 800’000 fons movibels es la Svizra, in relaziun culla populaziun, il pajais culs pü bgers "handys”. Pel mumaint registrescha la PTT minch’eivna 4’000 nouvs abonnents ed abonnentas da "natel”. In duos ans vain scholt il monopol da la PTT, ed in consequenza custaregia ün "handy" bainbod poch dapü cu ün tschütsch. Ils possessours da las raits da telefon haun nempe bado cha’l grand affer nu’s fo culla vendita d’apparats, dimpersè cullas tarifas pels discuors.

E telefono vain cha las uraglias füman, in mincha situaziun e pusiziun. Dafatta a kino, cun ster a sluagl u düraunt üna buna tschaina, adüna essans ragiundschibels. Quist tunin amabel, chi sumaglia a quel d’ün svagliarin electronic, es dvanto simbol per la communicaziun moderna. E quels chi nun haun güst ün’occasiun adatteda per fer ün discuors important telefonan cun se svess.

Uschè sun eau entro l’oter di a bunura i’l tram. Cuaint d’eir’ün chi faiva qualche affairs per natel. Perche na, almain ün chi discuorra, ils oters passagers püffan sà be da qeu tais our da fnestra. Penibel esa dvanto pür cur cha illa pü bella frasa inglaisa ho’l cumanzo a sclingir quist telefon dal trenta.

Il pled tuochant pel telefon movibel haun chatto ils Italiauns. Els nomnan quist apparat il "telefonino”. Que tira adimaint als temps cur cha d’eirans iffaunts, e cha colliaivans duos bachers da jogurt cun üna corda, per pudair telefoner d’üna staunza ill’otra. Dasper il plaschair dal gö as vaiva l’impreschiun d’esser sul important.

texts en questa ediziun

Gion Balzer Risch (Niev souvenir?)Pia Plaz (Intervista cun ena clocca)Adrian Pally (Igl elixier magic)Anita Simeon (Tot vo migler cun ena biera!!)PUNTS (Per gulas criticas)Giusep Carigiet (A mi ina blonda)Claudio Barrachi (Panta rhei – tuot cula)Elvira Pünchera (La via d’ün baveder – Peter Holenstein: Die Innenseite der Schuld)Romana Walther (Una maniera diversa di passare le vacanze)Anita Simeon (Ahoi, "Steuerbord”, e "Backbord”)PUNTS (Profil dil mais cun Flavia Bearth)Werner Carigiet (Anflada 7 onns suenter sia mort – en si’atgna abitaziun)

turnar a la survista