PUNTS
la gasetta giuvna

Detagls davart l'ediziun nr. 23

avrigl 1996
annada 2
Ovs
PUNTS nr. 23
Caporedacziun: Anita Simeon
Gaudench Dazzi
Layout: Gioni Fry
Sandra Käppeli (frontispezi)
editorial

Alla tschertga digl ov da columbus (Anita Simeon)

La revisiun digl artetgel 116 è oramai passada . Gl’è sto en dei cuar, ma igl davos è tuttegna sluitto en pulotign or dalla crosa. Igl grond couat statt pero anc avant porta, ma tar chel ov drovrigl bungas clutschas e surtot blera pazienztga – ma ia sung persvadeida tg’igl n’è nign endesch.

Segl camp dall’industria raschung’ins ossa però d’en oter ov, plistost d’en ov da dinosauriers u seglmanc egn d’en strauss. Raschiena è naturalmaintg dalla fusiun digl dus gronds affars an l’industria pharmazeutica. Igl ov toffa però en po e forsa sa dat el anc d’ancanoscher scu ov marsch – pussebel fissigl. Tg’igl seia numnadamaint en ov da Columbus, chegl ònigl anc da mussar. Ma siva dalla conquista dall’America òn igls Indianers er stuia piteir.

Siva tgi Adolf Ogi ò musso agl pievel svizzer scu tg’ins fetga coir ovs, vignan adegna daples ideas or dalla tgesa della confederaziun tgi òn prest mirito da survagneir igl status d’en ov da Columbus. Da numnar fiss co per exaimpel la revisiun dalla lescha da taglias. Igl cunsegl digls stands ò però betg gia viglia da sustigneir igl povers retgs. Uscheia ston igls noss parlamentariers danov eir alla tschertga digl ov dad ôr. Scu tgi vous nirossas tots a saveir è igl Prix Walo per igl success agl exteriour chest on ia a DJ Bobo. Cun la sia remartga tg’igl radio svizzer, tgi è egn digl donnatours da chest prietsch, dess sustigneir igls giouens cun iniziativa giò avant tgi èn ancunaschaints an l’antier’Europa ò el patto igl ov an la padela. Bravo!

An mintgacass egl uscheia tgi chel tgi ligia chesta nombra da PUNTS ò catto igl ov da Columbus, e siva tgi vagn santia aint’igl DOK "Heidi im Pornoland” tgi ovs fetschan pi potents, è chegl en muteiv daple da piglier la lupa per mangs e cattar ena veia tras igl dschungel d’informaziuns.

texts en questa ediziun

Giusep Carigiet (Iev, pli iev, ovs)Pia Plaz (Scu tgi la glioir da Pasca è neida an Surses)Werner Carigiet (Rockfabrik da Flem a Laax)Werner Carigiet (Radio Rumantsch – per tattas che fan caltschiel en stiva?)Anita Simeon (En drama da giuventetgna)Anita Simeon (Va avonda digl nia tgod!)PUNTS (Profil dal mais: Linard Bardill)Guadench Dazzi (Cur cha amur e Tamangur nu bastan pü)Sara Hauschild (Iniziativa globala – co füssa cun ün muond sainza guerra?)Elvira Pünchera (Il tscharvè illas chotschas)Toni Poltera (Il revival dil Punk)

turnar a la survista