PUNTS
la gasetta giuvna

Detagls davart l'ediziun nr. 2

fanadur 1994
annada 1
Night fever / cur ch'i vegn notg
PUNTS nr. 2
Caporedacziun: Anita Simeon
Gaudench Dazzi
Catrina Salis
editorial

Charas cumpatriotas, chars cumpatriots

Il pievel svizzer ha puspè ina giada mussà ch’el vul prender sez en maun ses destin. Er las davosas votaziuns federalas han mussà: pli pauca cultura e pli blera independenza èn las devisas dal temp. PUNTS è s’occupada cun quest svilup da conscienza ed ha tratg las consequenzas. Er nus stuain ans pertgirar da betg laschar decider auters da noss agens fatgs. Sa participai damai a nossa concurrenza per ina bandiera naziunala dals Rumantschs! In commentari davart ils resultats da l’ultima votaziun chatteis vus dal reminent a la pagina 9.

Noss tema principal s’occupa cun la dumonda, co ch’ils Rumantschs organiseschan lur vita da notg – quai cunzunt perquai ch’ils paucs da nus chattan l’ideala pussaivladad da sa divertir gist avant l’isch-casa. Nua van els, cura che la notg zuglia las Alps en la cuverta da la (in)discreziun. Stattan els a chasa per inhalar in film u l’auter ord il video u l’antenna da parabol? Pertge bandunan ils Jauers lur bella Val Müstair per ir a sa divertir en il Tirol dal Sid, entant ch’ils Sursetters sa rimnan en "lur" center da la val?

Excepziunala è dentant era nossa foto-love-story exclusiva ord la Surselva. Sa participai er vus a la naschientscha da l’amur denter Romeo e Julia – ina romanza che pudess capitar en mintga pub dal Grischun. Na fiss quai betg in motiv dad ir puspè ina giada en sortida? En il „profil", nossa intervista dal mais, avain nus fatg nossas dumondas a Toni Cantieni, anteriur cusseglier naziunal e president da la Pro Svizra Rumantscha.

Puspè pudain nus offrir a vus ina concurrenza, nua che vus pudais gudaganar bigliets d’entrada per ils openairs da Chapella e Val Lumnezia en la valur da frs. 200.—

Sa chapescha è la mesadad dal champiunadi mundial da ballapè passà, fin che PUNTS vegn da rapportar dad el. Tuttina na savain nus betg laschar senza dar ina tecca.

Vus vesais, PUNTS offra ina vasta paletta da temas che tutgan segir er in u l’auter da tes interess.

texts en questa ediziun

Pia Plaz (Danilo – ni la camonda da Surses)Pia Plaz (Cura tgi vign stgeir sur las Alps)Sara Hauschild (Che cha Jauras e Jauers fan cur chi vain not…)Daniel Monn (Ina notg cun la televisiun)Daniel Monn (Status Quo e quo vadis da Manö)Guadench Dazzi (L’Engiadina Bassa by night)Anita Simeon (Profil "Toni Cantieni")Anita Simeon (E chegl anc sport?)Isabelle Jäger (Quant lönch tegnan nossas provisiuns da tschiculatta, chaschöl ed uras amo?)Elvira Pünchera ("Der barhmherzige Hügel – eine Geschichte gegen Thomas")Gion Balzer Risch („Chromatic" – Hip Hop made in Lausanne)Anita Capaul (Cu la notg sederasa sur la Rezia…)Alexi Cavegn (Camp – disco – openair a Milez)Alexander Casanova (10. Open-Air Lumnezia)Brigitte Schärer (5. Open-Air Fugazi a Glion)David Spinnler (Chappi)Claudio Barrachi (Temp da suicidis?)

Datotecas
  • 2.pdf (825.09 KiB)
turnar a la survista