PUNTS
la gasetta giuvna

Detagls davart l'ediziun nr. 194

october 2010
annada 17
72 uras
PUNTS nr. 194
Redacziun: Jasmin Epp
Victoria Mosca
Floriana Sonder
Layout: Annatina Dermont
editorial

settantaduas uras (Victoria Mosca)

Realisar in project durant settantadus uras. Tuna simpel, quai èn be trais dis! En trais dis pon ins far fitg bler. Per exempel: durmir, man­ giar, baiver, far festa, far chaltschiel, ir a via­giar, ir cul velo, ir sin muntognas betg aschi otas, e e e...

Bun – jau admet, tut quellas chaussas èn nagut special e perquai era betg propi in pro­ ject da settantadus uras.

En tut la Svizra han differentas gruppas dad uffants, giuvenils e creschids gi in'idea. A l'entschatta drovi adina in'idea. Forsa mint­gatant era in'idea in pau idealistica. Ed or da quell'idea vegn lura il project.

Per exempel: organisar in concert, construir ina punt, construir ina chasa, emprender e represchentar in teater, e e e...
Damai chaussas in pau pli specialas che ils pensums dal mintgadi.

L'idea da realiser dentant settantadus uras in tal project para a mi fitg simpatic. I tuna in pau sco ina Crazy Challenge. Quant crazy ch'ella è finalmain decida mintga gruppa sez. Il bi vi da quella sfida narra è, ch'ins vegn en in schlontsch tuttafatg special. Ina tscherta euforia tschiffa l'entira gruppa ed ins è bun da far chaussas nunpussaivlas. Las regurdientschas cura che la sfida è reali­ sada èn nunemblidaivlas! E mintga giada ch'ins passa sper la chasa u la punt ch'ins ha construi vegn la regurdientscha vi dal project e l'euforia puspe en memoria.

Ussa giavisch jau fitg bun divertiment culla lec­ tura da la Crazy Challenge PUNTS!

texts en questa ediziun

GiuRu (Intervistas cun giuvnas e giuvens rumantschs da l'entir chantun Grischun)Christoph Mareischen (Treis deis alla festa d’otgover a Minca) (Regiun Surselva – Fond da giuventetgna)Floriana Sonder (Peda da liger chel text? Na! - Scu veivas te alloura?)Sandro Buchli (Fundaziun dall’uniun da giuventetgna luven)Matiu Dermont (Las PUNTS expandeschan - Purace)Fadrina Hofmann (Adios "Mamma mia")

Datotecas
  • 194.pdf (1.80 MiB)
turnar a la survista