PUNTS
la gasetta giuvna

Detagls davart l'ediziun nr. 19

december 1995
annada 2
Tibet
PUNTS nr. 19
Caporedacziun: Anita Simeon
Gaudench Dazzi
Layout: Gioni Fry
Christian Altmann (frontispezi)
editorial

Tibet (Guadench Dazzi)

Per pudair incler la situaziun actuela dal Tibet es dad ir inavous ün mez tschientiner ill’istorgia da quist pajais ch’d es bod sessaunta voutas pü grand cu la Svizra e chi vela cun sia otezza media da 4’500 m.s.m scu tet dal muond.

Aunz 45 ans, i l’october dal 1950 ho l’armeda da la Republica populera chinaisa occupo il Tibet. La China resguarda auncha hoz quist act da violenza scu üna "deliberaziun pascheivla" d’üna provinza chi ho adüna fat part a lur territory. Ils protests da la regenza tibetauna e lur appels a l’ONU nun haun gieu üngün success, eir scha l’ONU ho publicho trais resoluziuns chi cundannan l’agressiun chinaisa e cha üna da quellas ancugnuoscha cler e net il Tibet scu stedi independent. Anzi, la China ho rinforzo sia preschentscha i’l Tibet e cumanzo ad opprimer sistematicamaing la cultura e la religion indigena. Scu consequenza s’ho la populaziun dusteda dal 1959 illa revolta naziunela tibetauna. La regenza a Peking ho reagieu cun violenza brutala. Millis e millis Tibetauns sun gnieus massacres illas vias da Lhasa, la cited principela, u in otras regiuns dal pajais. In seguit haun 80’000 Tibetauns banduno lur patria e cun els eir il Dalai Lama, lur mneder religius e politic. La granda part da quist fugitivs viva hoz in India. A Dharamasala, i'l nord da l’India, as ho eir stabilieu la regenza democratica d’exil tibetauna.

Cumanzamaint dals ans sessaunta ho eir la Svizra spüert asil a var 1’000 fügitivs dal Tibet. Diversas famiglias sun gnidas a ster a Samedan in Engiadina. Ed uschè pera que hoz ad ün Samedrin chi’d es creschieu sü ed ieu a scoula cun iffaunts tibetauns scu evidaint chi do Tibetaunas e Tibetauns engiadinais e cha quellas scrivan e discuorran eir rumauntsch. Duos Tibetaunaschi sun creschidas sü a Samedan vegnan a pled in quistas PUNTS. Dicki Landmark as ho fat impissamaints sur da sia situaziun persunela scu Tibetauna illa societed svizra. Karma Lobsang, chi as angascha già daspö ans per la chosa tibetauna, ho scrit per PUNTS ün artichel a reguard la situaziun actuela da la duonna tibetauna. I’l artichel "Rabgia ed achüsa traunter las cuvertas d’ün cudesch" vain preschanto, per tuot quels e quellas chi vöglian savair auncha dapü da l’istorgia crappusada quist pövel, il cudesch "Tränen über Tibet" da Mary Craig.

Quistas PUNTS sun dedichedas a las Tibetaunas e’ls Tibetauns, a lur cumbatta sainza violenza pel mantegnimaint da lur cultura e la deliberaziun da lur pajais. Adonta tuot la simpatia zuppeda per la chosa tibetauna haun las regenzas da nossas democratias dal vest fin hoz fat la giatta morta. L’immens marcho chinais e quella milliarda consuments potenziels chi spettan, laschan svelt schmancher cha la regenza a Beijing nu piglia usche stip culs drets umauns. Don’t forget Tibet!

texts en questa ediziun

Dicki Landmark (Engiadinaisa d’ün’otra culur)Elvira Pünchera (Rabgia ed achüsa traunter las cuvertas d’ün cudesch – Mary Craig: Tränen über Tibet)Anita Capaul (Maletgs che fan ponderar, maletgs dil Tibet)Anita Capaul ("Senz’il bus da notg fusel piars!")Karma Dolma Lobsang (Exclus, miss a chantun e taschanto)David Carigiet ("Avon 200 onns era pli probable Mozart il pli grond musicist da rock!")David Carigiet (Far Nadal cun Nadal)Flurin Maissen (Legia quei!!!!!)PUNTS (Profil cun Rita Walder)Werner Carigiet (Dretgs d’uffants èn dretgs humans)Pia Plaz (L’auter)Anita Simeon (Canzung sainza melodia)Linard Nicolay (Paul Cézanne)Guadench Dazzi (Marc Bundi expona a Turich – Lavuors sün metal)

turnar a la survista