PUNTS
la gasetta giuvna

Detagls davart l'ediziun nr. 189

matg 2010
annada 16
Voluntar
PUNTS nr. 189
Redacziun: Jasmin Epp
Victoria Mosca
Floriana Sonder
Catrina Waldegg
Layout: Annatina Dermont
editorial

I na funcziuna betg senza (Jasmin Epp)

Eri anc mintga quart che s’engaschava l’onn 2000 per lavurs voluntaras, èsi mumentan, tenor la gasetta “20 Minuten” dals 8 d’avrigl 2010, in zic dapli che 20% da la populaziun svizra. La recessiun da l’onn passà ha chaschunà che blers umans considereschan la situaziun d’in auter punct da vista. «Gist en temps da discussiuns da bonis ed economia intscherta vulan blers metter in cuntrapunct e sa laschan en sin in engaschi voluntar», di Elisabeth Fischer, commembra da l’organisaziun tetgala dals posts da mediaziun e spezialisada per lavur voluntara. Igl è in fatg ch’igl è fitg grev da chattar persunas ch’èn prontas da prestar engaschi voluntar. Ma gist quella lavur porta en ca. 320 milliardas francs, quai che è 60% dal product naziunal brut (PNB). Tenor Andreas Bircher dal forum freiwilligenarbeit.ch na funcziunass nossa societad dentant betg senza persunas che vulan prestar in engaschi sin basa voluntara. Uschia è la dumonda: Co san persunas motivadas s’engaschar a basa voluntara? Las scriventas ed ils scrivents da las PUNTS èn ids a la tschertga da gist talas persunas. Ils motivs e l’engaschi èn differents, saja quai donaziuns da sang, servetsch voluntar en pajais da crisa u la midada dal cumportament per proteger noss ambient. Segir è dentant che, malgrà ch’ins na gudogna nagut, il resultat da l’engaschi è merit avunda.

En quai senn giavischa il team da PUNTS bun divertiment cun la lectura. E tgi sa, forsa animeschan quests texts in u l’auter da prestar engaschi voluntar.

texts en questa ediziun

Tanja Augustin (Voluntari e sforzs aint igl mintgade)Jasmin Epp (The Fun Theory)Annaletta Vincenz (Camerun e Haiti)Annaletta Vincenz (Buna caussa ni donnegeivel per sesez?)Simona Demarmels (Voluntari en in asil d’unfants a Honduras)Floriana Sonder (Voluntar - muntada, status e pussebladads)Catrina Waldegg (Odissea: Igl tscharvi - ena cocumera u en “möngi” da men in black)Ursin Lutz (Il pled dal mais: Trai lingia ti ***!) Flurina Hofmann Estrada)H. (Musica: Club da velos da Bombay)Silvana Derungs (In cudesch per mais: Exact. Quei fetsch jeu!)Saskia Del Zotto (Dultschergnem - las queidas suenter tscheina)Jasmin Epp (regiun surselva - fond da sport)Manuela Morgenthaler (Indoor Festival: Bands indigenas scauldan en la Romontschia)Matiu Dermont (Sin ils fastitgs da Giovanni Segantini)Norbert Kiss (Cestgin)

Datotecas
  • 189.pdf (1.40 MiB)
turnar a la survista