PUNTS
la gasetta giuvna

Detagls davart l'ediziun nr. 188

avrigl 2010
annada 16
Architectura
PUNTS nr. 188
Redacziun: Flurina Cajochen
Victoria Mosca
Catrina Waldegg
Layout: Annatina Nay
editorial

Spazi per viver (Victoria Mosca)

L’uman dovra spazi per viver. E cun quest spazi per viver sa fatschenta l’architectura. Igl è conuschent ch’il studi d’architectura è dir, fitg dir. Ils students èn quels che dorman en las bibliotecas e zambregian di e notg vi da lur models. E cura ch’il studi è a fin, vess da spetgar la vita en pumpa, u betg?

A la fin dals quints dovra mintg’edifizi in architect per nascher – e quai dapi che l’uman è sesent e na viva betg pli en cuvels. Sch’ins mo pensa tge bellezzas che l’uman ha stgaffì: las piramidas, la tur d’Eiffel, sgrattatschiels, la chasa engiadinaisa e blers auters palazis.

Jau pens che la veglia da lavurar cun il spazi saja en mintga uman. Gia en scola èn ils pitschens tut nars da fabritgar cun la tscheppa. E tgi n’ha betg fatg insaquantas turs cun Lego? Igl è in plaschair da guardar co ch’ils uffants construeschan lur chastels e fortezzas – ed jau sun persvasa ch’in pèr da quels edifizis fissan stabils avunda per surviver terratrembels.

Putgà che questa veglia da fabritgar e construir è ida a perder tar mai cun l’instrucziun da geometria che n’ha mai funcziunà sco quai ch’jau vuleva.

Però uss èsi temp da realisar ils siemis, perquai bun divertiment cun la lectura e forsa ch’in u l’autra scuvra puspè sia passiun per il spazi – malgrà la geometria.

texts en questa ediziun

Silvana Derungs («Il grev è da sa far in num»)Silvana Janett (Traunter art e scieza)Gianna Sonder (ETH - Hönggerberg - Hilspez)Mierta Feuerstein (Stüdger architectura)Aurel Tscharner (Canti Halde)Victoria Mosca (Fabrichast?!)Saskia Del Zotto (Cottages - scharm irlandes)Floriana Sonder (Igl connex cun la globalisaziun)Jasmin Epp (Haver in plan B)Maurus Derungs (Zervreila - in vitg sut l’aua)Silvana Derungs (In cudesch per mais: Dapli glisch en la Surselva) (Mo Newcomers al Hall of Sounds)Norbert Kiss (Cestgin)Fadrina Hofmann Estrada (Mamma mia: High safety apartment)H. (Musica: Nostalgia)

Datotecas
  • 188.pdf (2.20 MiB)
turnar a la survista