PUNTS
la gasetta giuvna

Detagls davart l'ediziun nr. 185

schaner 2010
annada 16
Apocalipsa
PUNTS nr. 185
Redacziun: Flurina Cajochen
Victoria Mosca
Catrina Waldegg
Layout: Annatina Nay
editorial

Bun di, bun onn! (Catrina Waldegg)

Damai che vus, charas lecturas e chars lecturs, tegnais enta maun las emprimas Punts da quest onn e legiais quest editorial, sto quai prest avair num che nus avain tuts survivì la glischnada en l’onn 2010. In pèr vegnan ad avair festivà la midada da l’onn cun la famiglia, auters cun ils amis ed anc ina giada auters cun ina persuna ch’als è simplamain impurtanta. En cuminanza vegn dumbrà il countdown da 10, 9, 8, 7, 6,... e cun mintga Silvester vegnan fatgs novs propiests. Inqual persuna prenda avant da chalar da fimar, da reducir il consum da tschigulatta, da na betg pli dar ora tants raps per vestgadira u dad er ina giada duvrar ils pugnals ch’ins veva cumprà avant dus onns.

I na dependa betg tge intenziun ch’igl è, perquai che tuttas han insatge communabel: cun ellas empruvain nus d’ans pertgirar dal collaps, il collaps da nossa sanadad, il collaps da nossa bursa u il collaps da nossa vita privata. Ma ans tegnain nus era vidlonder? Sche nus empruvain propi, quant ditg vegnin nus da tegnair la dira? Ma tge èsi cun ils problems che na pertutgan betg be nus sez/zas? Tge maina tar la vaira apocalipsa? Co vesa quella or? Cura vegn ella ad esser preschenta? E sto ella automaticamain esser la fin dal mund? Questas ed anc bleras autras dumondas ans vain nus puntistas e puntists tschentadas ed empruvain da las respunder en quest’ediziun da Punts.

Nus sperain che vus possias almain verifitgar in da voss propiests en l’onn nov ed as giavischain bun divertiment cun leger questas Punts.

texts en questa ediziun

Norbert Kiss (Cestgin, il capricorn)Jasmin Epp (21-12-2012 - Fins, entschattas e vendetgas)Maurus Blumenthal (L’Apocalipsa - ina constanta antropologica)Judit Augustin (Da dia, Asterix ed Obelix e meteorits)Il Gimnasi: l’Academia Engiadina a Samedan (Gudench Barblan vs. Men Rauch)Silvana Derungs (Get Together - sin via tras la Svizra)Fadrina Hofmann Estrada (Mamma mia - Be ün zich apocalipsa)H. (Wales vs. Scotland: u band nova cunter veglia)Clau Dermont (Apocaliptica a Flopenhagen)Ursin Lutz (Il pled dal mais - Bien di, bien onn!)Catrina Waldegg (Odissea - Innundaziuns u dus centimeters neiv?)Gianluca Augustin (Tema - Ea ni na?)

Datotecas
  • 185.pdf (2.39 MiB)
turnar a la survista