PUNTS
la gasetta giuvna

Detagls davart l'ediziun nr. 182

october 2009
annada 16
Transport
PUNTS nr. 182
Redacziun: Flurina Cajochen
Victoria Mosca
Catrina Waldegg
Layout: Annatina Nay
editorial

Spetgar la posta e baiver café fraid (Flurina Cajochen)

Tüüüü taaaa toooo... Questa chanzunetta conuschais vus franc e segir, charas lecturas e chars lecturs. La chanzunetta da la tiba da l’auto da posta. Tuns ch’ins auda ozendi pli pauc che avant onns. Il motiv: era la posta sto spargnar. Dentant sch’ins pensa a l’impurtanza da quest med da transport public, alura dat quai schon in pau in curius sentiment en il conturn dal venter. Las cundiziuns èn las suandantas: en in di charrescha la posta blera glieud davent dad in lieu a l’auter. Sche tschertas uras da charrar vegnan stritgadas, è quai cunzunt per persunas veglias u per persunas cun impediments che han dad ir a far lur cumissiuns fitg malcumadaivel. Plinavant vegnan era plazzas dals postins u da las postinas stritgadas. Per ils abitants dals vitgs munta quai: fin che la gasetta è en chasa, è il café gia fraid. E café fraid na vul gea nagin leger.

Per fortuna n’èsi betg da spetgar sin posta durant leger las PUNTS. Qua vegni numnadamain charrà sin binaris, sgulà cun l’aviun e schizunt traversà la mar cun il bastiment. Qua giavisch jau in bun viadi!!

texts en questa ediziun

Martina Derungs (Naven dad S entochen L)Annatina Dermont (N’avessans mo betg ans laschà surmanar dal stadi)Catrina Waldegg (Viagier cun daple tgi angal ena coffrigna d’actas)Flurin Lehner (Fascinaziun parasvoul)Annaletta Vincenz (La scargada)Victoria Mosca (Sur las nüvlas sto la liberted esser sainza cunfins...)Annatina Dermont (Globetrotters da stoffa)Giuanna Beeli (Transport da scolars)Braida Pinggera (Visita da l’Australia)Marc Niederberger (Duas gadas encunter las nuorsas neras)Victoria Mosca (Il vittürin ed il manaschunz)Fadrina Hofmann Estrada (Mamma mia: Eviva l’auto)H. (Musica: 40’000 aspectaturs ed anc dapli plievgia)Sereina Nay (Aua da sal, ers da garnezi e mulins da vent)

Datotecas
  • 182.pdf (2.80 MiB)
turnar a la survista