PUNTS
la gasetta giuvna

Detagls davart l'ediziun nr. 180

avust 2009
annada 16
massasingels
PUNTS nr. 180
Redacziun: Flurina Cajochen
Victoria Mosca
Catrina Waldegg
Layout: Annatina Dermont
editorial

MASSASINGELS (Silvana Derungs)

Ils singuls en la massa. – Quai è stà in da noss puncts da partenza per quest’ediziun speziala. Nagut pli simpel che da chattar quels ad in open air! Uschia essan nus ans rendids a l’Open Air Lumnezia per prender in pau sut la marella quel fenomen da las massas, ma oravant tut era per chattar ils singuls che furman quella massa. Tranter quels singuls datti adina tips fitg SiNgulARs, persunas che dattan per divers motivs simplamain en egl.

In open air è sco ina gronda discoteca – in lieu per tadlar musica, esser da cumpagnia, ma er in lieu per singles (e na-singles) da guardar, flirtar e s’inamurar. Era Punts vuleva far novas enconuschientschas e forsa perfin s’inamurar en ils texts da novs puntists. Quai era numnadamain l’auter punct da partenza: chattar en quella massa da visitaders las persunas che vessan gust da scriver texts per Punts – gist ussa! qua! sur place! senza vocabulari e program da correctura – e lura era l’avegnir per ina u l’autra ediziun da la gasetta giuvna. Durant bundant quatter uras ha Punts “mulestà” visitaders dad open air innocents, è sa preschentada ed ha era chattà insaquants amis – speranza da quels fidaivels...

Il resultat da quels inscunters tegnais vus, charas lecturas e chars lecturs, en voss mauns. Bun divertiment cun il numer 180 da Punts!

PS: tgi che ha gust da scriver per Punts po era far quai senza che la redacziun vegnia a “far la chaja” a chaschun dad x-in’occurrenza. Nus ans legrassan.

texts en questa ediziun

Simon Arpagaus (sur place)Flurina Cajochen (Caglias che scrolan e frisbees che sgolan)Annatina Dermont (Ils culms da merda)Annatina Dermont e Silvana Derungs (In chip per in na fa mal a nagin)Silvana Derungs (La passarella open air)Claudio Maissen e Gion-Antieni Maissen (sur place)Adrian Marti (sur place)Victoria Mosca (10 motivs per ir scu single a l’open air)Bigna Müller (sur place)Oliver Nyffeler (Plasma - Üna surpraisa musicala)Anna Rauch (sur place)Saskia Del Zotto (Single = sventireivel?)Tschamun B. (Fadiar raps agl OAL)team da Punts (Retschertga, jau vom a l’Open Air, perquai che ...)Patricia e Rebecca (Salüds da la Val Müstai)Rut Martina e Seraina (3 categorias dals bavaders da la bunura)Deon, Durana, Maurus (Grazia a tut quels ch’èn vegnids sur place)

Datotecas
  • 180.pdf (3.70 MiB)
turnar a la survista