PUNTS
la gasetta giuvna

Detagls davart l'ediziun nr. 179

fanadur 2009
annada 16
Energia
PUNTS nr. 179
Redacziun: Flurina Cajochen
Victoria Mosca
Catrina Waldegg
Layout: Carlo Clopath
Marina Lutz (illustraziuns)
editorial

Has anc energia? (Silvana Derungs)

«Has ti anc energia?» La persuna che dumonda quai manegia savens tant sco «Has ti anc forza?» u «Has ti anc la motivaziun?» per far quai u tschai. L’energia en noss mintgadi ha pliras fassettas e Punts sa sprova dad illuminar intginas da quellas. En quest’ediziun pudais vus leger tge che l’energia ha da far cun daners, forza, funcziuns vitalas e motivaziun. Per exempel l’energia che vegn mintga di or da la bischla da contact; l’energia che nus absorbain mintga di en furma da nutriment; l’energia che sa chatta en mintginA da nus (en tschertinas forsa main ch’en auters) u era quella sort d’energia che nus pudain tancar simplamain cun ans recrear.

In sguard enavos sin l’ediziun passada mussa che l’energia sco motivaziun è savens avant maun tar nus da las Punts, ma betg adina l’energia per garantir la realisaziun da quellas ideas sin palpiri. Il mais passà avais vus retschet in flyer cun il messadi che l’ediziun nr. 178 da las Punts saja pronta per leger – dentant be online. (Quai era sco pitschna infurmaziun per quellas persunas che han ignorà fin uss il flyer e che spetgan anc adina las Punts dal zercladur en lur chascha da brevs.) Nus sperain ch’ils texts as hajan plaschì, charas lecturas e chars lecturs, e nus fissan era mintgatant engraziaivels per in resun. Pertge era vus essas noss’energia. Tant sco ils daners. E tant sco quels e quellas che chattan adina puspè il temp da scriver per nus. Era da quell’energia avain nus exnum da basegn. Perquai gia qua in appel: tgi che ha gust da furnir in pau energia a Punts, duai s’annunziar tar nus, las adressas sa chattan en l’impressum.

Uss as giavisch jau dentant bun divertiment da tancar in zic energia cun relaxar e leger ils texts da las Punts nr. 179. Jau sper che vus hajas l’energia persuenter.

texts en questa ediziun

Silvana Derungs (Co spargnas energia? - Jeu magliel mo pli light!)Aita Pult (L’energia in Grischun)Catrina Waldegg (Adrenalin - migler tgi mintga Amavita-Riegel)Christoph Mareischen (Sen viadi cun en scaldamaint sen quatter rodas)Bruno Casutt (Minergia - spargnar e gudignar)Victoria Mosca (Manchaunza da l’energi - ina poesia)Francesca Riesch (La mort da la lingua)Rico F. Valär (“America stat sil plaz e beiba ord il begl plein”)H. (Musica)Ursin Lutz (Il pled dal mais)Roman Liesch (Las Punts politicas)

Datotecas
  • 179.pdf (3.02 MiB)
turnar a la survista