PUNTS
la gasetta giuvna

Detagls davart l'ediziun nr. 176

avrigl 2009
annada 15
Liquids
PUNTS nr. 176
Redacziun: Flurina Cajochen
Victoria Mosca
Catrina Waldegg
Layout: Annatina Nay
editorial

Liquids dapertut (Catrina Waldegg)

Il mars è passà, ins ha empruvà da stgatschar l’enviern ed ils flums portan l’aua giu da las muntognas. L’avrigl è in mais tranter sutgas e bancs. La stagiun d’enviern è passada e cun ella era las festas da tschaiver ed après-ski, ma per las beach-partys èsi simplamain anc memia baud. I n’è betg anc chaud, ma n’era betg pli fraid e l’aura fa gist quai ch’ella vul.

Cun questas PUNTS empruvain nus d’as dar in’invista en ina tematica ch’è però preschenta durant l’entir onn. Numnadamain ils liquids. Quai pon esser liquids natirals, corporals u forsa era da quels ch’ins po cumprar en il Coop, Denner u Manor. Ina marinera ans raquinta da sia vita sin l’aua, in anteriur abitant dal convict a Cuira ans dat in’invista en sia vita liquida e vus pudais er anc engrondir vossa savida pertutgant armas chemicas.

Plinavant – vus avais probablamain gia remartgà quai – sa preschentan las PUNTS en in nov vestgì, in vestgì pli frestg, pli primavaun e che dat nov schlantsch. Igl ans faschess sa chapescha era plaschair, sche vus, charas lecturas e chars lecturs, ans recumandassas a voss amis. PUNTS èn er dependentas dal schlantsch da ses lecturs. Per entant sper jau che vus possias emblidar ed ignorar las lunas da quest mais cun leger questas PUNTS. Bun divertiment!

texts en questa ediziun

Fabian Augustin (La veta liquida aint igl convict)Silvana Derungs (Da la spida fin al sperma)Silvana Derungs (Daguot per daguot)Victoria Mosca (Liquids: Ova)Marcial Monn (Armas chemicas en l'Emprema Uiara mundiala)Catrina Waldegg (Tge fò atgnamaintg ena marinaria?)Flurina Badel (Larmina)Fadrina Hofmann Estrada (Mamma mia)H. (Musica)Corina Steiner (Analectrica)Simon Casutt e Clau Dermont (Punts politicas)Ursin Lutz (Il pled dal mais)Saskia del Zotto (Malsogna da telefonin)Sez Ner - Silvana Derungs (Basecamp09 - coolness per l'ambient)Silvana Menzli (In tec historia) (Fumetto)

Datotecas
  • 176.pdf (979.47 KiB)
turnar a la survista