PUNTS
la gasetta giuvna

Detagls davart l'ediziun nr. 174

favrer 2009
annada 15
Carnaval
PUNTS nr. 174
Redacziun: Flurina Cajochen
Victoria Mosca
Catrina Waldegg
Layout: Annatina Dermont
editorial

Carnaval (Victoria Mosca)

L’onn nov ha gia cumenzà daditg, mintgin e mintgina è puspè en ses trot. I na resta dentant betg bler temp per sa recrear. Il temp dal carnaval vegn. Quai munta per nus giuvens oravant tut ina pluna festas. Dapertut datti festas: festas da giuventetgna, festas da societads da musica u festas dad autras societads. E natiralmain èn quellas festas mascradas. Ins sto pia ponderar tge trair en. L’onn passà sun jau ida sco hippie, quai n’ha betg dà tanta lavur, ma n’è era betg stà uschè original. A Cuira hai jau vesì in giuven vestgì in pau sco Peter Pan, cun chautschinas stretgas ed in sabel (las chautschinas eran lura leggings stretgs stretgs...). Quel aveva almain gì ina bun’idea.

Il problem da las festas mascradas è che ti n’enconuschas betg la glieud. Forsa che ti inscuntrassas l’amur da tia vita, ma perquai ch’el è travestgì sco Superman na das ti gnanca bada dad el. Putgà. Persuenter emprendas ti d’enconuscher in «schnügel» dad in urs ed il di suenter n’è el lura displaschaivlamain betg pli uschè «schnügelig». Era putgà.

Uschia fan ins sias experientschas. Jau giavisch a tuts ed a tuttas in pèr bellas festas cun ina pluna novas experientschas.

PS: E na manchentar, a la fin dal mais è lura il Chalandamarz en Engiadina, quai dat anc ina bella festa!

texts en questa ediziun

Giancarlo Lozza (Carneval-nonsens u tradiziun?)Silvana Derungs (Dertgira nauscha - il tribunal cun la fuorga)Lucian Bigliel (Tschaiver rumantsch)Saskia Del Zotto (Tscheiver a Venezia)Clau Dermont e Roman Liesch (Punts politicas: l'elecziun dad Ueli Maurer)Silvana Menzli (In tec historia)Ursin Lutz (Il pled dal mais)Jon Bischoff (Fumetto)Annatina Dermont (Snowexchange)Nadia Clalüna (L'egna chanzun)Corina Steiner (Co realiseschel jeu in concert cun scolars primars?)Silvana Derungs (Rock alternativ ord Lumnezia)

Datotecas
  • 174.pdf (975.42 KiB)
turnar a la survista